“Сүхбаатар дүүргийн XII хороо Сэлбэ голын баруун эрэгт тогтоол усанд мөнгөн ус асгасан байна” гэсэн мэдээллийг НОБГ-т ирүүлжээ. Дуудлагын дагуу НОБГ- ын дарга, хурандаа Уламбаяр, гамшигтай тэмцэх урьдчилан сэргийлэх хэлтсийн дарга, хурандаа Ч.Намсрайжав, тус дүүргийн Онцгой байдлын хэлтсийн ахлах мэргэжилтэн Ц.Лхагвасүрэн, А.Алтанбагана, Шуурхай бүлэг 105 гээд нийт 12 хүний бүрэлдэхүүнтэй баг газар дээр нь ажиллажээ.

Ингэснээр тогтоол усанд хоёроос таван грамм мөнгөн ус байсныг соруулж авч, улмаар хөрсийг нь хуулж, саармагжуулалт хийжээ. Ус, хөрснөөс нь дээж авч МХЕГ- ын лабораторит шинжлүүлэхээр явуулсан байна. Шинжилгээний хариу өнөөдөр гарах юм байна. Хэн гэгч этгээд мөнгөн ус асгасныг Сүхбаатар дүүргийн цагдаагийн I хэлтэст шалгаж эхэлжээ.

Э.ЗАЯА