ИЗНН-ын Үндэсний хороо  хуралдаж, энэ удаагийн Ерөнхийлөгчийн сонгуульд АН-аас нэр дэвшсэн Ц.Элбэгдоржийг дэмжиж оролцох шийдвэр гаргалаа.

Намынхан Ерөнхийлөгч Ц.Элбэгдоржийн өнгөрсөн дөрвөн жилд хэрэгжүүлсэн бодлого, үйл ажиллагааг хангалттай сайн хэмээн дүгнэжээ. Мөн ИЗНН нийгэмд шударга ёс тогтоох, авилгалтай тэмцэх болон ногоон хөгжлийн үзэл баримтлалд тууштай зогсдог улс төрийн хүчний хувьд Ерөнхийлөгч Ц.Элбэгдоржийн хэрэгжүүлж буй бодлого, үйл ажиллагааг бүрэн дэмжиж, цаашид тасалдалгүй үргэлжлүүлэх нь зүйтэй хэмээн үзэж түүнийг Монгол Улсын Ерөнхийлөгчийн сонгуульд дэмжин оролцохоор болжээ.

Эх сурвалж: Шуурхай.мн