“Дижитал” хамтлагийн ахлагч асан Баавар буюу Ш.Батбаяр нь Эрүүгийн хуулийн 192.3.4, 192.3.5-д мансууруулах буюу сэтгэцэд нөлөөлөх эм, бэлдмэл, бодис борлуулах зорилгоор хууль бусаар бэлтгэсэн, олж авсан, хадгалсан, тээвэрлэсэн, ил-ээсэн, борлуулсан, мөн уг хэргийг давтан, урьдчилан үгсэж тохиролцсон буюу зохион байгуулалттай бүлэг, гэмт бүлэглэл үйлдсэн гэх зүйлчлэлээр сэжигтнээр татагдан ШШГЕГ-ын харьяа цагдан хорих 461 дүгээр ангид хоригдож байсан.

Улмаар бусадтай маргалдаж, нударга зөрүүлсэн гэх шалтгаанаар өнгөрсөн гуравдугаар сарын 25-нд тус ангийн тусгай камерт хоригдсон тухай эх сурвалжууд мэдээлж байсан билээ. Гэвч тусгай камерт хоригдож байхад нь өрөөнд нь гал гарч, түүний цээжин бие болон нүүр түлэгдсэн. Тэрээр бэртсэн даруйдаа “Мөнгөн гүүр” эмнэлэгт хэвтэн эмчлүүлсэн.

Cap гаруй хугацааны турш эмнэлэгт хэвтэн эмчлүүлж байгаад өчигдөр эмнэлгээсээ гарлаа. Түүнд холбогдох хэргийг өнгөрсөн дөрөвдүгээр сарын 12-нд шүүн хэлэлцэх байсан хэдий ч биеийн байдлыг нь харгалзан үзэж тодорхойгүй хугацаа-гаар хойшлуулаад байсан.
Тэгвэл түүний биеийн байдал сайжирсан учраас хэргийг нь сэргээн шалгахаар болсон хэмээн холбогдох албаны эх сурвалж мэдээлсэн юм.

Хэрэв шүүхээр түүний гэм буруутай нь тогтоогдвол хуулинд заасны дагуу 10-15 жил хүртэлх жил хорих ялаар шийтгэх юм байна.

Г.БАЯРЦЭЦЭГ
Эх сурвалж: “НИЙСЛЭЛ ТАЙМС” сонин