Саяхан МУГЖ дуучин С. Жавхлангийн “ Хөх нуруут” хоолны газарт зодоон болжээ. Өнгөрсөн сарын сүүлчээр Баянзүрх дүүргийн 15 дугаар хороо “Хөх нуруут” ресторанд зодоон болж, эд зүйлс эвдсэн гэх дуудлага цагдаа нарт иржээ. Цагдаа нар ч дуудлагын мөрөөр дуучин С.Жавхлангийн үүсгэн байгуулсан хоолны газарт яваад очиход тус газрын эд зүйлс эвдэж, сүйтгэгдсэн байдалтай дээр нь хамгаалагч залуу нь бусдад зодуулсан байдалтай байжээ. Хэргийн газар дээр нь ажилласан цагдаа Б,М нар шалгахад нийслэлийн захын дүүрэг болох Сонгинохайрхан дүүргийн 31 дүгээр хороонд оршин суух, Б нь согтуурсан үедээ бусадтай бүлэглэн эл хэргийг үйлдсэн байжээ. Тэгээд зогсохгүй шаардлага тавьсан цагдаа нарыг хэл амаар доромжилж биед нь халдсан байна. Одоогоор дээрх хэргийг Баянзүрх дүүргийн цагдаагийн хэлтэс үргэлжлүүлэн шалгаж байгаа ажээ.