…Д.Арвин ги­шүүнд хамааралтай  “Нийслэл өргөө” ХХК Яармагийн дэнжид 300 ортой төрөх эмнэлэг барихаар тендерт ялж, 2010 оны арванхоёрдугаар сарын 30-нд их л сүр дуулиантайгаар шав тавих ёслолын ажлаа хийж байсан.

Тус амар­жих газрын тендерийг ямар аргаар авсан нь бас л бүрхэг.  Тэрбээр  тус   барил­гын ажлыг эх­лэхдээ улсын төсвөөс 12 тэрбум төгрөг буюу 80 хувийн төл­­бөрийг ком­па­нийнхаа данс руу шил­жүүлж  авсан байгаа юм.

Товчхондоо уг ба­рилга 17 тэрбум төгрөгийн өртөг­тэй.  Харин төлбөрийнхөө 80 хувийг авсан мөртлөө  өнөөг хүртэл барилгын ажил ашиглалтад орох нь бүү хэл ажил нь бүрэн зогсчихсон.

Тус компанийн барьж буй төрөх эмнэлгийн барилгын цутга­­мал төмөр бетон бүтцийн бетоны зуур­магаас сорьцын дээж аваагүй, бе­тоны бат бэх байдлыг мэргэжлийн итгэмжлэгдсэн лабораториор шинж­лүүлээгүй зэрэг “но”-той асуудлууд илэрч байсан.

Уг нь олон эмч, ажилчин болон ээж, аавууд амаржих газрын ачаалал багасах нь хэмээн ихээхэн горьдож байсан юм. Дээрх эмнэлгийн дэд бүтцийг ший­дэж өгөөгүйн улмаас барилгын ажил зог­соход хүрсэн хэмээн “Нийслэл өргөө” ХХК-ийнхан мэдэгдсэн.

Ямар ч тог цахилгаан байх­гүй, зам харгуйг нь шийдээгүй мөн цэвэр бохир усны шугамыг нь шийдэлгүйгээр амаржих газрын тен­дерийн ажлыг зарласан нь цаанаа их л ноцтой байгаа юм.  Үндсэндээ эрх мэдэлтнүүд эзгүй хээр тал газар татвар төлөгчдийн мөнгөөр хэдэн давхар шавар балгас босгочихоод  хаячихсан  байгаад эмч эмнэлгийн ажилчид эгдүүцэхээс ч өөр аргагүй.  Ингээд  бид 12 тэрбум төгрөгөөр боссон барилгатай холбоотой асуудлаар салбарын сайд Н.Удвалаас  асуухад “Энэ талаар  хэлж мэдэхгүй байна.  Ямартай ч Засгийн газрын түвшинд яригдаж байж шийдвэрлэх асуудал байх” гэв…

/Үргэлжлэлийг “Хар дэвтэр” сэтгүүлийн № 2-оос уншина уу/