Урлаг хүн хоёрыг холбохын тулд оргилуун их авьяас, сэтгэл хөдлөл хэчнээн чухалыг МУГЖ У.Уранчимэгээс монголчууд бид харсаар ирсэн гэхэд хилсдэхгүй. Гавьяатын цолоо улам ихээр гялтгануулан тэмүүлсээр байгаа эрч хүчтэй бүсгүйг хайрладгүй урлаг сонирхогч бараг үгүй. Тэрбээр жүжигчин болохоор дунд сургуулиа төгсөөд СУИС-д шалгалт өгсөнч тэнцээгүй ч уйгагүй хөдөлмөрийн үрээр дөрвөн жилийн дараа дахин шалгалт өгч, драммын ангид орж байжээ. Зорилгынхоо төлөө өөрийгөө бүрэн өөрчилж чадсан нь түүний чин зорилго нугарашгүй болохыг магтагчид олонтаа таардаг. У.Уранчимэг махлаг, улаан хацартай охин байсан ч жүжигчин болохын тулд өөрийгөө бүтнээр өөрчилж өнөөгийн үзэсгэлэн төгөлдөр бүсгүй болсон гэнэ. Тэрбээр өдгөө нас сүүдэр 40 гарч яваа ч харсан хэн бүхэнд наснаасаа залуу сайхан харагддаг. Энэ нь спортоор хичээллэдэг, мэргэжлийн онцлогтой нь холбоотой байна. Тэрбээр үргэлж гоолиг сайхан байдаг нууцаа дэлгэжээ. Жүжигчин бүсгүй маань гоолиг сайхан байхын нууц нь оройд мөнгөн аяганд ус хонуулж өглөө өлөн элгэн дээрээ уудаг байна. Мөн өдөрт хоёр цагийг зөвхөн фиттнист зориулдаг аж. Тиймээс хаана ч, хэнтэй ч зургаа авахуулахаас татгалздаггүй аж. Үүнийгээ үзэгч, фэнүүдээ хүндэтгэх сэтгэлийн илэрхийлэл гэдэг бол харин дотны найзууд нь түүнийг гоо үзэсгэлэнт царайгаа гэрэл зурагт үлдээх нь түүнд таалагддаг хэмээн хошигнодог сурагтай.

Эх сурвалж:Shuurhai.mn