МҮХАҮТ-ийн дарга, УИХ-ын гишүүн С.Дэмбэрэлд Улсын мөрдөн байцаах газрын Эдийн засгийн гэмт хэрэгтэй тэмцэх хэлтсээс эрүүгийн хэрэг үүсгэн шалгаж эхэлсэн талаар зарим цахим сайтуудаар мэдээлэл гараад байсан.

Тодруулбал, УИХ-ын гишүүн С.Дэмбэрэлийг Монголын Үндэсний Худалдаа Аж Үйлдвэрийн Танхимынхаа зүүн талд баригдаж буй барилгын газрыг гүйцэтгэгч байгууллагад нь дур мэдэн өгсөн хэмээн буруутгаж байгаа тухай байв. Харин энэ тухай түүнээс албан ёсоор тодруулахад, “Тийм зүйл байхгүй. Өнөөдрийн байдлаар шалгаж байцаасан юм алга. Яахав тэр сонгуулийн өмнө газартай холбоотой асуудлаар гадуур бичээд байсан. Гэхдээ намайг шалгасан зүйл байхгүй” гэв.

Эх сурвалж: Шуурхай.мн