Улаанбаатар зүтгүүрийн депогийн эзэмшлийн галын аюултай бүсэд “Нарны хотхон” хэмээх орон сууцны хороолол баригдаж байна. Хууль зөрчиж баригдаж байгаа эдгээр орон сууцны хорооллыг бариулахгүй байх үүднээс Мэргэжлийн хяналтынхан тэмцсэн ч мөнгөтэй компаниудын өмнө  монголын хууль тогтоомж хүчгүйдсэн. Хойд талаас нь харвал Улаанбаатар зүтгүүрийн депогийн урд талд харин урд талаасаа дунд гол,  дулааны шугам сүлжээгээр хүрээлүүлсэн орц гарц хаанаа байгаа нь мэдэгдэхгүй баригдсаар байгаа юм. Уг барилгын ажил өнгөрсөн оны 4-р сараас эхэлжээ. “Их хурд” ХХК -ийн барьж байгаа орон сууцны хотхон гэдгээс өөр мэдээлэл бүрхэг байна.

Монголын барилгачдын холбооноос “Наад барилгыг чинь манай барилгачид бариагүй. Төмөр замынхан өөрсдөө барьж байгаа” гэсэн мэдээлэл өгөв. Туул голын бүс нутаг, шатах тослох материалын агуулах мөн дулааны шугам сүлжээ гээд аюул дагуулсан зүйлсээр дүүрэн орчинтой орон сууцны хорооллын ажил өвлийн хүйтэнд ажиралгүй барилгын ажил явагдсаар байна. Барилгын компаниуд хууль тогтоомжоо биелүүлдэггүй хариуцлагагүй байдлаас болж иргэд аюултай орчинд амьдрах нөхцөл бүрджээ.

Эх сурвалж:uls.mn