Өчигдөр Хадгаламж зээ­лийн хоршооны хохи­рогчдын холбооны тэр­гүүн Х.Оюунцэцэг, Удир­дах зөвлөлийн дарга А.Алтантуяа нар Үндэсний мэдээллийн төвд хэвлэлийн хурал хийлээ. Ерөнхий сайд Н.Алтанхуягийн санаа­чилгаар Хууль зүйн сайд Х.Тэмүүжингийн тушаалаар өнгөрсөн оны аравдугаар  сарын 17-нд Хадгаламж зээлийн  хоршооны  хохир­лыг барагдуулахтай холбог­дуулж ажлын хэсэг гарган ажиллаж байгаа билээ.

Хохирогчдын гомдол мэдээллийн дагуу  доорх нэр бүхий албан тушаалтнуудад хэрэг үүсгэн Авлигатай тэмцэх газарт  шалгаж байгаа юм байна. Одоогийн байдлаар 50 гаруй хэрэг сөхөгдөж, 10-ыг нь Авлигатай тэмцэх газарт шалгаж байгаа талаар мэдээлсэн юм. Тус холбооны тэргүүн Х.Оюунцэцэг “Энэ хэргээс болж 8000 хүн хохирсон гэж байгаа ч үнэн хэрэгтээ хүн бүрийн ард байгаа гэр бүлийнхнийг нийлүүлэхэд  40-50 мянган хохирогчтой хэрэг шүү дээ.

Мөн  биднийг  хохирогч нэрээр далимдуулан илүү мөнгө нэхэмжилдэг гэсэн  хардлагыг олон ний­тэд төрүүлээд байгаа юм. Иймээс бид  өөрсдийн хохир­лыг хууль хяналтын бай­гууллагад үнэн зөвөөр мэдээлж, шалгуулж бай­гаа­гаа баримттайгаар тайлбар­лана” гэв. Тодруулбал, МАН-ын Ерөнхий нарийн бичгийн дарга Г.Занданшатар, УИХ-ын гишүүн Д.Сарангэрэл нарыг их хэмжээний мөнгө­тэй холбогдуулан шалгуулах хүсэлтийг  УМБГ-т илгээ­сэн байна.

Тухайлбал, Г.Зандан­шатарыг “Бүтээн байгуулалт, хөгжлийн сан” ХЗХ-ны захирал Г.Энхтөрөөс  2004 оны сонгуулийн үеэр бүрэн тоноглогдсон “УАЗ “фургон” машин авсан,  Мөн “TВ- 5”  телевизийн захи­рал асан, УИХ-ын ги­шүүн Д.Сарангэрэлийг “Глоб кредит” ХЗХ-ноос санхүү­жилт авч, 2004 оны Афины олимпийн наадмыг шууд дамжуулсан” гэх зэргийг дурдаад, дээрх шалтгаануудын улмаас эд­гээр гишүүнийг шалгаж өгөхийг хүссэн байна.

Уг хүсэлтийг ХЗХ-ны хохи­­рогчдын холбооны тэр­гүүн Х.Оюунцэцэг, Удирдах зөв­­лөлийн дарга А.Алтан­туяа нар гаргасан гэнэ. Ямартай ч дээрх нэр бүхий гишүүдийг холбогдох хуу­лийн байгууллагууд нь шалгаж мөрдөн байцаалтын үйл ажиллагааг эхлэхээр болсон аж. Түүнчлэн УМБГ болон АТГ-аас сүүлийн гурван сарын хугацаанд  50 гаруй  иргэний хэрэг шалгаж, 10 гаруй хэрэгт нь эрүүгийн хэрэг  үүсгэсэн гэнэ.

Тэд ШШГЕГ-ын дарга асан  М.Ганхүүг нэг жил найман сар ажиллахдаа нэг дор хоёр өрөө байр  авч, түүнийгээ нийлүүлэн дөрвөн өрөө сууц болгосон. Мөн “Туул Жин Пан”-ийн ард томоохон авто угаалгын  газар бариулж авсан. Тус газрын  Дотоод хяналтын газрын дарга  Туулхүүг албан тушаал, эрх мэдлээ урвуулан ашиглаж, дөрвөн хохирогчид 50 сая төгрөгийг цохолт хийж ол­госон,

мөн  Дотоод хя­нал­тын албаны ажилтан  Р.Энхтайваныг ХЗХ-ны төл­­бөр барагдуулах ахлах шийд­вэр гүйцэтгэгч байхдаа эрх мэдэл, албан тушаалаа урвуулан ашиглаж, “Бүтээн байгуулалт сан” ХЗХ-ны зээлдэгч Г.Оюунцэцэгийн 234 сая төгрөгийн зээлийн битүүмжлэлд байсан хөрөн­гүүдийг чөлөөлж, нэг ч төлбөр төлүүлээгүй зэрэг олонд дэлгэгдэж байгаагүй ноц­той мэдээллүүдийг хүр­гэж байсан. Бид дараагийн дугаартаа дээрх нэр бүхий хүмүүсийн хэрхэн мөнгө  завшиж байсан талаар тодорхой мэдээлэх болно.

Эх сурвалж: “Өглөөний сонин”