Өнгөрөгч оны арваннэгдүгээр сард зохиогдсон Орон нутгийн сонгуулийн  дүнгээр АН мөн л олонхи болсон ч нийслэлийн зарим дүүрэг, аймаг сумдад МАН ялалт байгуулсан билээ. Тэгвэл Багануур дүүрэгт орон нутгийн сонгуулиар МАН олонхи болсон ч энэ нь намын гишүүдийн болон нэр дэвшигчдийн дунд хэрүүл маргаан, зодоон цохион үүсэх нөхцлийг бүрдүүлжээ. Тодруулбал, АН-ын удирдлагууд залуу гишүүдээ өдөөн турхирч хөөрүүлэн, нэг нь бүр нийслэлийн орлогч, ажлыг хүлээлцүүлэх комиссын дарга, болон дүүргийн Засаг дарга Ц.Сандаг-Очир нарын зүг гутлаа тайлж шидсэн хэрэг арванхоёрдугаар сарын 25-ний өдөр гарсан.

Гэтэл хэдхэн хоногийн дараа сандал, суудлаа хүлээлцэж чадахгүй байгаа эрхмүүд муудалцсаар шиддэг зүйл нь гутал бус сандал болон хувирсан нь байдал ихэд ноцтой болж буйн илрэл бизээ.  Тодруулбал, Багануурын ИТХ-ын төлөөлөгч МАН-ын гишүүн Батнасан Ардчилсан намын төлөөлөгчид рүү сандал шидэж төрийн өмч хөрөнгийг эвдэж танхайрсан байна.

Мөн МАН-ын дарга Ц.Сандаг-Очир одоог хүртэл дүүргийн Засаг даргын тамгыг шинээр томилогдсон засаг дарга М.Гончигжавт өгөхгүй байгаа зэрэг олон асуудал үүсээд буй. Иймд СЕХ болон бусад холбогдох албаныхан Багануур дүүрэгт анхаарлаа хандуулахгүй бол шиддэг зүйл нь томорсоор хэн нэгний амь нас, эрүүл мэнд хохирох вий дээ.