Улс төрийн хүчирхийлэл энд тэндгүй үргэлжилсээр байна.

Монгол Ардын Нам олонх болсон газар бүрт чихэнд АН-ынхан “хонх уях” болсон нь үүнийг гэрчлэх анхан шан гэдэгт ч олон хүн толгой дохиж байгаа юм. Тухайлбал Багануур дүүрэгт Засаг даргын хууль бус томилгоотой холбоотой улам хурцдаж байна. Учир нь тус дүүрэгт орон нутгийн сонгуулиар улс төрийн хоёр гол хүчин ганцхан суудлын зөрүүтэй барианд орсон .

Тодруулбал 25 суудлаас Монгол Ардын Нам 13, Ардчилсан Нам 12-ыг нь эзэгнэх эрхтэй болсон гэсэн үг. Ийм л учраас АН-хан ялагдлаа хүлээн зөвшөөрөхгүй , амь тэмцэж өдий хүртэл зарга хийсээр яваа юм. Үнэнийг хэлэхэд тэдний энэхүү эрх баригчид хийгээд Э.Бат-Үүл дарга хоёр гараа өргөн дэмжиж байгаад л хамаг учир байгааг дүүргийн жирийн сонсогч хүртэл өгүүлж буй. Гэтэл өчигдөр л гэхэд амь нь тэмцэж ядахдаа АН-ын нэгэн гишүүн засаг дарга Ц.Сандаг-Очир уруу гутлаа тайлж шиджээ.

Энэ бичлэг олон нийтийн мэдээллийн сүлжээгээр түгсэн байна. Дам сонсох нь ээ гадаадын парламент шиг юм болсон юмуу даа, янз нь. Угтаа бол Ц.Сандаг-Очир анхдугаар хуралдаанаас албан ёсоор сонгогдсон Засаг дарга юм. Хэрэв эрх баригчид хуулиа дагаж, журмаар нь шийдвэл шүү дээ, гэтэл АН-ын гишүүд өнгөрөгч 7 хоногт төрийн өмчит компаны байранд Монгол Ардын Намын байранд нэг төлөөлөгчийг урвуулан хуралдаж Засаг даргад М.Гончигжавыг санал болгосноо хүчин төгөлдөр хэмээн тас гүрийжээ.

Тэгсэн атлаа ИТХ-ын анхны хуралдааныг ямар үндэслэлээр хууль бус хүчингүй хэмээн үзээд байгаа нь тодорхойгүй байгаа юм. Өөрөө хэлбэл, хүч түрэмгийлсэн үйлдлээрээ АН-ынхан Үндсэн хууль болоод орон нутгийн сонгуулийн хуулийн хэд хэдэн заалтыг зөрчжээ.

Тухайлбал бусдад мөнгөөр урвуулан авч албан тушаалд санаархсан , төлөөлөгчийн эрхийг нь худалдаж авсан гэх мэтээр олон зүйл заалт зөрчсөн гэдгийг нь нэрлэж болно. Гэтэл хууль бус хэтэрхий хүч түрэмгийлсэн ийм байдлийг утаат нийслэлийн буурал дарга Э.Бат-Үүл уурхайлан дэмжиж байгаа учир хэрүүлийн алим аль ч тийшээ өнхрөхгүй хэвээр байгаа.

Тэгвэл энэ асуудалтай холбоотой маргааны талаар ялагч болсон Монгол Ардын Намын хорооноос Захиргааны хэргийн шүүхэд хандаж хоёр ч удаа ажлын хэсгийнхэн шалгасан гэх. Харин дүүргийн иргэд энэ маргааныг Өвөрхангайн сонгуулийн мангаан шиг шийдчих вий гэсэн айдастай байгааг ойрын эх сурвалжид мэдээллэж байна. Иймдээ ч дүүргийхэн төв талбайд жагсаал зохион байгуулан эрх баригчдын хууль бус үйлдлийг эсэргүүцэн тэмцэж байна.
Д.Булган

Эх сурвалж: “Монголын Үнэн” сонин