“Ноншим” брэндийн гоймон хүний биед хорт хавдар үүсгэдэг бензопирин гэдэг бодис их хэмжээгээр агуулдаг хэмээн нилээдгүй шуугисан билээ. Энэ мэдээллийн дагуу Монгол улсын МХЕГ-аас “Ноншим” гоймонгоос дээж авч, БНХАУ-ын Шанхай хот дахь Швейцарь улсын хяналт баталгаажуулалт, шинжилгээний SGS компанийн Олон улсын сүлжээ лабораторид шинжлүүлэн,  шинжилгээний хариуг 2012 оны 12 дугаар сарын 5-ны өдөр авчээ. Уг шинжилгээгээр “Ноншим” гоймонгоос хүний биед хор учруулах бодис илрээгүй болох нь нотлогджээ. Хүмүүсийн дунд бий болоод байсан эргэлзээг арилгаж МХЕГ-аас уг шинжилгээний дүнг олон нийтэд албан ёсоор зарласан байна.  Иймээс “Ноншим” гоймонд эргэлзэх, айж болгоомжлох хэрэггүй аж.