Хүн бүр шинэ оноо уг­тахаар бэлтгэж, гацуур мод, гоёлын даашинзны эрэлд гараад байгаа энэ үед хо­шин урлагийн “Х ТҮЦ” хамт­лагийнхан ажил­даа шам­даж байна. Тэд Амери­кийн философич, алдарт зохиолч Айн Рэндийн зохио­­лоос сэдэвлэсэн шинэ жүжгийнхээ бэлтгэлдээ ор­жээ.

Тус хамтлагийнхан өмнө нь Айн Рэндийн “Сайтар эргэцүүл” жүжгийг тайзнаа амилуулж, үзэгчдээс өндөр үнэлэлт авсан. Тэгвэл энэ удаа тэд дахин сэтгэлгээний жүжиг барьж авчээ.

Жүж­гийн найруулагчаар Монгол Улсын гавьяат жүжигчин Д.Сосорбарам ажиллаж бай­гаа аж. “Сайтар эргэцүүл” жүжгийн гол дүрийг бүтээж байсан гавьяат ийнхүү “Х ТҮЦ” хамтлагийнхантай дахин хамтран ажиллахаар болсон байна.
Эх сурвалж: “Өглөөний сонин”