Саяхан нийслэл хотноо  аймаг, сум, дүүргийн ИТХ-д МАХН-аас сонгогдсон 280 гаруй төлөөлөгчид Улаанбаатар хотноо  цугларах үеэрээ улс төрийн зорилгоор дээрээс өгсөн даалгаврын дагуу зарим хараат шүүгчийн гаргасан хууль зөрчсөн шийдвэрээр МАХН-ын дарга Н.Энхбаярыг хэлмэгдүүлж байгаа учраас хэргийг хэрэгсэхгүй болгож цагаатгахыг шаардсан билээ. Иймд Монгол Улсын Ерөнхийлөгчийн 2013 оны сонгуульд МАХН-ын дарга Монгол улсын гуравдахь  Ерөнхийлөгч Н.Энхбаярын нэрийг МАХН-аас дэвшүүлэх асуудлыг МАХН-ын Бага чуулганаар хэлэлцүүлэн шийдвэрлэхийг уулзалтанд оролцогчид санал болгосон. Харин энэхүү мэдэгдэл нь нь улс төрийн хэлмэгдүүлэлтийг захиалагчдад таалагдаагүй бөгөөд дэлхий сүйрнэ гэж хар амалсан 12 дугаар сарын 21-ны өдрийг зориуд сонгон, хүмүүсийн анхаарал сарнисан, хотоос дайжсан энэ өдрийг зориуд сонгон, олон түмний нүднээс далд  түүнийг хорих анги руу ачих шалтгаан болсныг гэж үзсэнийг эх сурвалж хэлж байна. Орон нутгаас сонгогдсон бүх шатны иргэдийн дуу хоолой бол ард түмний дуу хоолой. Иргэд, тэр дундаа 21 аймаг, 300 гаруй сумын иргэдээс сонгогдсон, тэдний төлөөлөл ийнхүү дуу хоолойгоо илэрхийлсний   төлөө МАХН-ын даргыг нь  клиникийн 2 дугаар эмнэлэгийн шарил гаргадаг хаалгаар  дамжлан ачиж явахад хүргэсэн байна.

Ард түмэнтэйгээ амь нэг гэж өөрийгээ рекламддаг Монгол Улсын Ерөнхийлөгч Ц.Элбэгдоржид  олон түмний дуу хоолой таалагдахгүй болтлоо иргэдээсээ тасарч, ваакуумжсан бөгөөд ирэх онд болох Ерөнхийлөгчийн сонгуулиас өөр бодох санах юмгүй болтлоо самуурч, нэр дэвших магадлалтай хүчтэй өрсөлдөгчөө ийнхүү замаасаа зайлуулж байгаа нь илт боллоо хэмээн МАХН-ынг гишүүд дэмжигчид төдийгүй эгэл жирийн ард  иргэд дургүйцэж байгаагаа МАХН-ын төв байрны 334477 тоот утсаар тасралтгүй мэдээлсээр байна.