Ливийн лидерийн харамсалтай үхлийн шалтгаан тодорхой болж эхэлж байна. Global Post–д бичсэнээр хүнд шархдаад байсан Каддафиг үхэхээс нь өмнө зэрлэгээр хүчирхийлж, тамласан болохыг өөр эх сурвалжийн бичлэгээс oлж мэдлээ гэжээ. Олон нийтэд үзүүлсэн бичлэгийг өдгөө дэлхий нийтээрээ мэдэх болсон. Тэгвэл цус ихээр алдаж байсан Каддафиг босогчид гудамжаар чирж явах үед нэгэн сахалтай эр ард нь зогсоод өгзөг /анус/ рүү нь модон саваа эсвэл хутгатай төстэй зүйлийг цус гартал нь хүчээр чихэн өөрөөр хэлбэл хүчирхийлж байсан нь энэхүү бичлэгээс ил болжээ. Global Post түүнийг үхэхээс нь өмнө гурван цаг хэртэй зодож сүүлдээ хутгаар ийнхүү хүний ёсонд баймаргүйгээр тамлан хүчирхийлсэн гэж буруушааж байгаагаа илэрхийллээ.

Мөн энэ мэдээллийг Алжирийн мэдээллийн “Algeria-ISP” суваг нотолж байна гэв. Тэд лидерийн амьдралын сүүлчийн мөч маш их цус, тамлалт, доромжлолын дор өнгөрсөн гэж мэдээлэлдээ дурьджээ.  Тэр этгээд хамтрагчиддаа хандан –Түүнийг битгий алаарай. Харин жаахан тамлацгаая гэж уриалан орилж байсан гэнэ. Ингэж хэлээд сахалтай залуу хутга гарган өгзөг рүү чихсэн болохыг Алжирийн сурвалжлагчид баталж байна.

Мөн үлдсэн залуус Каддафигийн биеийн энд тэнд олон удаа хутгаар огтолж, зүссэн, толгой руу элс цацсан, нүүр лүү нь дэвсэлсэн гэлээ. Энэ мэтээр түүнийг өглөөний 09 цагаас 12 цаг хүртэл олон зуун залуус дундаа хийн ээлжлэн тамласан бололтой. Ингэснийхээ дараа босогчид экс удирдагчаа гудамжинд гарган жип машинд чирэн давхисан байна. Үхсэнийх нь дараа ч тэрхүү зэрлэг тамлалт, хүчирхийлэл үргэлжилж байсныг үйл явдлыг ажигласан иргэд ярьжээ.

Эдгээр мэдээлэлтэй зэрэгцэн Муаммар Каддафигийн эхнэр болон ар гэрийнхэн  нь нөхрийнхөө үхэлд буруутай хүмүүсийг Гаагын шүүхэд өгнө гэдгээ лхагва гарагт мэдэгдсэн.

Бэлтгэсэн Р.Слава