УИХ-ын Төсвийн байнгын хорооны өчигдрийн хуралдаанаар Монгол Улсын 2011 оны төсвийн тухай хуульд өөрчлөлт оруулах тухай, Нийгмийн даатгалын сангийн 2011 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2011 оны төсвийн тухай хуульд нэмэлт, өөрчлөлт оруулах тухай хуулийн төслүүдийн хоёр дахь хэлэлцүүлэг болов. Гишүүд ч хуралдаа нэлээд идэвхтэй оролцлоо. Учир нь асар их мөнгөний хуваарилалт хаана юунд зарцуулах вэ гэдгийг хэлэлцэж байгаа болохоор тэр биз.
Тэр дундаа Ш.Сайхансамбуу, Д.Оюунхорол, Ц.Сэдваанчиг, Д.Балдан-Очир нар илүү их идэвхтэй байсан гэнэ. Энэ үеэр Завхан аймгийн талаар зарим хөрөнгө оруулалтын асуудал хөндөгдөж, сонгогдсон гишүүд өөр өөрийн байр сууриа илэрхийлжээ. Тэдний эсрэг саналыг Ц.Сэдваанчиг гишүүн ширүүхэн хэлчихсэн гэнэ лээ. Тэгтэл Д.Оюунхорол гишүүн ихэд уурлан Ц.Сэдваанчигт хандан “Завхан аймгийн өмнө Ц.Сэдваанчиг та их нүгэл үйлдсэн шүү” хэмээн анхааруулжээ.
Б.ЯРУУ
МОНГОЛЫН МЭДЭЭ СОНИН
Холбоотой мэдээ
Comments are closed.