Нүүдэлчин монголчуудын уугуул нутаг Төв Ази болохыг нотолсон хөдөлшгүй баримт, нэг ёсондоо язгуурын монголчуудын түүх, соёлын голомт болсон Ноён уул алтны эрэлчид, уул уурхайнхны хөлд хэрхэн сүйдэж буй талаар цуврал сурвалжлага, нийтлэлийг бид уншигчиддаа хүргэж байгаа билээ.
Нэр бүхий гурван компани хайгуул, ашиглалтын үйл ажиллагаа явуулж Ноён уулыг “Нүхэн уул” болгосныг бид өмнөх дугаартаа дурьдсан. Түүний зэрэгцээ нинжа нар тоймгүй олон гэдгийг нутгийн иргэд хэлж байгаа. Тэдний ярианаас ихэс, дээдсийн газрыг хөндөж, түүхийн дурсгалыг бусниулах эрхийг уул уурхайн компаниудад хэн өгөв гэсэн асуулт гарна. Гэтэл ШУА-ийн археологийн хүрээлэн зөвшөөрөл өгч, уул уурхайн компанийнхан “Бид зөвшөөрөлтэй. Тэр дагуу ажлаа хийж байна” гэж ам тагладаг тухай иргэний хөдөлгөөнийхөн ярьж байна.
Тиймээс түүх соёлын дурсгалын хадгалалт, хамгаалалтын талаарх хууль тогтоомжийн биелэлтийн тайланг олж үзэхийг зорилоо. Энэ нь археологийн дурсгалыг ямар нэгэн байдлаар эвдэн сүйтгэгдэхээс урьдчилан сэргийлэх үүднээс авран хамгаалах малтлага судалгааны ажлыг хэрхэн хийсэн тухай нэг ёсны бүртгэл юм. 1990 оноос хойшхи бүртгэлд 1999 онд Төв аймгийн нутаг Ноён уулын бүс нутагт “Kaскадиа Монголия Инк” компанийн ашиглалтын талбайд хайгуул хийсэн хэмээн дурдсан ч уг судалгаа 2000 онд хийгдсэн бололтой. Судалгааны багт Д.Цэвээндорж, Б.Гүнчинсүрэн, Б.Цогтбаатар, Ч.Амартүвшин, Ж.Баярсайхан, А.Энхтөр нар ажиллаж 70 гаруй түүхийн дурсгал илрүүлсэн тухай тэмдэглэл байна. Ер нь тухайн үеийн томоохон уул уурхайн компаниуд, тэр дотроо Инк гэсэн нэртэй болгоны судалгааны ажлыг дээрх хүмүүс хийсэн нь анзаарагдсан. Харин 2005-2006 оноос хойшхи судалгааны тайланг олж үзэхийг хичээсэн ч чадсангүй. Гэхдээ Ноён уулын түүхийн дурсгалыг авран хамгаалах судалгааг нэр бүхий археологичид саяхан хийсэн тухай эх сурвалжууд хэлж байна. Гол утга нь Ноён ууланд түүхийн дурсгал байхгүй, эсвэл хайгуул, ашиглалтын ажил явуулахад саад болохгүй гэж дүгнэлт гаргасан бололтой. Ийм хардлага төрж байна. Тиймээс ч уул уурхайн үйл ажиллагаа тасралтгүй явж ирсэн гэж ойлгогдож байна.
Өнөөдөр Ноён ууланд хамгийн их талбайг эзэлж, үйл ажиллагаа явуулж байгаа нь “Гацуурт” компанийн эзэмшил байсан шороон орд. Харин тэр хавийн байгаль орчныг хамгийн их сүйтгэж байгаа нь “Пураам” компанийн алтны уурхай. Өнгөрсөн жил тэнд хоёр ч удаа буун дуу гарч байсныг монголчууд мэднэ. Тэд 2000 оноос тэнд ажилласан, сүүлийн 5-6 жил шороон ордод алтны хайгуул хийж байгаа юм байна. Хамгийн гол хэсэг буюу өвөг дээдсийн булш оршсон онгон дагшин газраас 50 хүрэхгүй метрт Австралийн хөрөнгө оруулалттай “МРS” компани үйл ажиллагаагаа эхлээд олборлолт явуулахад бараг бэлэн болчихжээ. Гурван компани Ноён уулын өвөр хэсэг орчим гурван талаас ухаж эхэлсэн бол уулын ар, өвөр хормойгоос нинжа нар сэндийчиж эхэлсэн нь харахаас элэг эмтрэм. Энэ байдлыг дээрх компаниуд өөгшүүлж, тэр байтугай нутгийн иргэдийн хэл амыг дарахын тулд хамтран ажиллах маягаар явж ирсэн гэнэ. Үүнээс үүдэж ойн сан их хэмжээгээр сүйрч, гол ус бохирджээ. Учир нь дээрх компаниудын үйл ажиллагаа явуулж буй уулын амнаас том, жижиг 10 гаруй гол горхи эх авч урсдаг байсан. Одоо тэдний олонхи нь ширгэж үгүй болсныг иргэд, малчид ярьж байна. Урт нэртэй хууль гарч, нэг хэсэгтээ хэрэгжиж эхэлснээс хойш Ноён ууланд нөхцөл байдал огтхон ч өөрчлөгдөөгүй гэнэ. Энэ нь улс төр, бизнесийн бүлэглэлийн лицензийн томоохон наймаа тэнд хэрхэн хөгжин цэцэглэж ирсний илрэл хэмээн жишээ татах хүн ч цөөнгүй байна.
Сүүлийн жилүүдэд өвгөд дээдсийн ариун дагшин газарт бузар оруулахгүй, байгаль орчноо сүйтгүүлэхгүй гэсэн Төрийн бус байгууллага, байгаль хамгаалагч иргэдийн холбоод идэвхжсэнээр алтны эрэлчид, уул уурхайнхан Ноён уулыг улайм цайм ухаж чадахгүй байгааг олон хүн хэлж байсан. Тухайлбал, нэр бүхий компани бэлтгэлээ базаасан ч ашиглалт, олборлолт руугаа орж чадахгүй хүлээлтийн байдалтай байгаа гэцгээж байна. Түүнээс үзэхэд тэд юу хүлээж байна вэ, энэ УИХ лоббины хууль батлах юм биш биз, эсвэл одоо аль нэгэн лобби бүлэг аль эрт захиалгат хуулийн төслөө боловсруулаад эхэлчихсэн юм биш байгаа гэх асуулт дагуулна.
Үргэлжлэл бий.
Ч.Үл-Олдох
Холбоотой мэдээ
-
Anonymous (November 24, 2012 10:46:29 pm )
zugeer orhij bolohgui uvug deedes udam sudriinhaa shariliig uhuulaad heden bor tsaas avdag nuhduudiin etseg eh ah duugiihen orshuulgiin uhaad gazriin neg taraagaad hajaad baij jmar sanagdah nuu uzejl dee
-
Anonymous (November 24, 2012 10:58:54 pm )
ene omhii awstraluud dawarch baina owog deedsiin gazar nutagiig buzaralj duuslaa
-
Anonymous (November 24, 2012 11:05:29 pm )
уул усаа харамлан хамгаалах нь монгол хүн бүрийн үүрэг,уул усны эзэд нь бид юм шүү залуусаа мэдтүгэй
-
Anonymous (November 24, 2012 11:31:15 pm )
zuvshuurul arai uguhgui bailgui dee. bayan hangai mini urshuu
arai zuvshuurul uguhgui bailgui dee. Bayan hangai mini urshuu
-
Anonymous (November 25, 2012 2:58:53 pm )
NOYON UULAND CHINE OLON ERTNII ONGON HERGIS BDAG YUMSHDEE MANAI UVUG DEEDSIIN MINE SUNS HURTEL TAIVAN BJ CHADAHNUU!!!! ENE UGSUN PSDAG NI BARAID AVAACH!!!
-
Anonymous (November 25, 2012 6:30:10 pm )
noyon uulaas ertnii tvvhiin dursgalt zvilvvd mash olnoor garsan tsaashid ch garah bno harin bidnii ungursun tvvhiig ene uul uurhain kompaniud ugui hiigeed duusgalaaaa
-
Anonymous (November 26, 2012 3:56:20 pm )
Энэ уулыг маш хурдан төрийн хамгаалалтанд аваач ээ,нутгаас нь сонгогдсон нөхөр юу хийгээд суудаг юм бэ? Оюунтангууд 2лаа нийлээд шийдвэр гаргаач…….
-
Anonymous (November 29, 2012 1:58:58 am )
Kkk, Ul-oldoh guai barimttai ym bichne shuu! Zuvshuurul hen olgodog genee? Kkkk! Neg l ikh sanaa zovson humuus, hiij baigaa ni hed? Hudlaa shaaj baigaa ni hed?
-
Anonymous (November 29, 2012 2:00:58 am )
Uvug deedes, ongon dagshin ene ter geed l yridag boljee.
9 Comments