“Миний дэлгүүр”-ийн Далай ээж дахь салбарт хугацаа нь дууссан хүнсний бүтээгдэхүүн борлуулж байна” иргэдийн мэдээллийн мөрөөр ШӨХТГ-аас шалгалт хийжээ.

Шалгалтын явцад Герман улсаас оруулж ирсэн хоёр нэр төрлийн хүнсний бүтээгдэхүүний хэрэглэх хугацаа дууссан байсныг тогтоосон аж.

Тухайлбал, “TYP CAPPUCINO” 200гр 2012 оны аравдугаар сард хугацаа дууссан, “SCHWARTAN” брэнд “ERDBEER SAUCE” 125ml бүтээгдэхүүнийг зарж байжээ. Иймд тус дэлгүүрт албан шаардлага өгч дээрх нэр бүхий бүтээгдэхүүнийг хураан авч устгалд оруулсан  байна.

Мөн цаашид дахин доголдол гаргахгүй байхыг анхааруулан улсын байцаагчийн албан шаардлага өгч хариуцлага тооцохоор болжээ.

Эх сурвалж: “Нийгмийн Толь”