дагуу манай сонин түүнд тусалж ажиллахаар шийдлээ. Их хотын ажлыг амжуулах гээд түмэн завгүй яваа Э.Бат-Үүл даргын ажилд нэмэр болж, арга хэмжээ авч, хариуцлага тооцох ёстой барилгуудыг бид өнөөдрөөс эхлэн өдөр бүр нэгийг дэлгэн тавьж, хаяг, эзэн холбогдогчыг нь зааж өгч байх болно. Гэхдээ хамгийн гол нь бидний хүч, хөдөлмөрийг талаар болгож, нам, улстөрийн зорилгоор ар өврөөрөө үлдээхгүй гэдэгт найдаж байна.

Улаанбаатар хотод зөв­шөө­рөлгүй баригдаж байгаа барил­гуудыг нураахаар шулууд­сан Э.Бат-Үүл баатар 80 барилгын жагсаалт гар­гаж, тэдэнд зохих хариуц­лага оногдуулахаа мэдэгдсэн. Үүнээс “Авзага трейд” гэж нэг долоо хоног хашгирсанаа “Үндэсний нагц компани руу битгий халд. Эсвэл эзэн нь нам бус болохоор тэр үү…” хэмээсэн хэвлэл мэдэлэлийн хэрэгсдийн дайралтад өртсөн хотын дарга чимээгүй болсон билээ.

Маргаашаас нь Тэмүүлэнбаатар компанийн барилга руу дайрсан. Тэгэж хувийн өмч рүү халдсанаас болж одоо гумапжинд гарах­даа тулаад байгаа 70 шахам өрх Монгол Ардын Намынхнаас аврал эрэн өдөр шөнөгүй гүйлдэх болжээ. Тийн тэнэж яваа хотын дарга ер нь АН-ын сэтэр­тэй барилга руу уурга хуйваа ер сунгахгүй байгаад л харамсалтай байна. Ялгаваргүй л бай л даа хотын дарга аа.

Тухайлбал, АН-ын Ховдыг жагсаалтыг тэргүүлж байгаа гэгдэх Ш.Адьшаагийн барилга өнөөх 80-ийн тоонд цохиж яваад зогссон ч одоо баригдаад эхэлжээ. Бараг л дууслаа. Гарьдхүүгийн Баярсайхан бол Үүл баатрыг өрөөнд нь элдэж байгаад 80 дотроос нэрээ сугалдаг гэсэн. Ш.Адьшаа бол Ховдод сонгуульдах гээд завгүй яваа байх. Хамгийн гол нь нударгатай Г.Баярсайхан завгүй Ш.Адьшаадаа биш АН, МАН-ыг ялгахгүйгээр л зөв­шөөрөлгүй барил­гууд­тайгаа тэмцъе Үүл баатар аа. Тиймээс бид Ш.Адьшаагийн барилгыг зурагтай хөрөгтэй нь таньд танилцуулж байна.

Баянгол дүүргийн 11 дүгээр хороо, 28 дугаар дунд сургуулийн зүүн талд баригдаж буй эмнэл­гийн зориулалттай Ш.Адьшаагийн барилга үйл ажил­ла­гаагааг нь цуцлах 80 барилгын жагсаалтын 56 дугаарт бичигджээ. Ингэхдээ барилгын ажлын гүйцэтгэгч ком­пани болох “Бүрд констракшн” ХХК-д ажлаа эх­лүүлэх, үргэлжлүүлэх зөв­шөөрлийг өнгөрөгч дол­дугаар сарын 24-нөөс он дуустал хүчинтэй байхаар Нийс­лэлийн мэргэжлийн хяналтын газраас олгосон байна.

Гэвч тус барилга цаашид үргэлжлэн баригдах боломжгүй, барилга барих эрхийг нь цуцаа гэсэн Хотын даргын шийдвэр гарсан байхад одоо баригдаж байна. Энэ хугацаанд замын голоор удаан шугам татаж, А.Мөнхбатаас “Хүүхдийн паркийн газартай тэмц…” гэсэн шаардлага хүлээж аваад байгаа завгүй хотын дарга маань Ш.Адвшаагийн даварсан үйлдлийг мэдээгүй байх шиг. Эсвэл мэдсэн ч мэдээгүй юм шиг суухаар шийдсэн бол яах аргагүй шоуч мээр болж байгаа юм.

Ингэж л Үүл баатрын гаргасан шийдвэр болон түүний хэрэгжилтээс “нам үзэл” үнэртсээр байвал үйл хэрэгт нь эргэлзэхээс өөр арга алга. Эргэлзэхгүй байх юмсан гэж хичээж хотын даргынхаа хийх ажлыг олж өгч байна. Нүдэнд нь харагдахгүй барилгыг зааж өгч байна. Хөтөлгөө морь шиг анд нөхөр тань болох Ерөнхийлөгчийн тань хэлснээр “Шударга л байя л даа” баатар аа. АН-ынхны ч зөвшөөлөргүй барил­гыг хариуцлагын бүсэд хамруулъя.

Эх сурвалж: “Өглөөний Сонин”