Хотын улс төрч удирдахаар зовлонтой л юм байна хэмээн МАН-ын нэгэн томоохон эрхэм хэлж байсан удаатай. Үнэхээр ч улс төржөөд, тэрийг ингэнэ, энийг ч ингэнэ гэж ярихаас хийж байгаа ажил нь ярьж байгаагаасаа хэд дахин доогуур байх юм. Уг нь Э.Бат-Үүл дарга нийслэлд гарч ирсэнээр богино хугацаанд олон зүйл өөрчлөгдөх байх хэмээн олон хүн найдаж байсан биз. Гэвч энэ гордлого талаар болж буйг ганцхан жишээ дээр авч үзье.

Э.Бат-Үүл анх Хотын дарга болохдоо индэр дээрээс олон сайхан үг хэлж байв. Хамгийн гоё нь Улаанбаатартаа амгалан тайван амьдрах ёстой гэсэн.

Жаахан хол явахаар санагдаад байдаг тийм сайхан хотод амьдардаг болно гэж хэлснийг санаж байна. Үнэндээ амар тайван амьдрах эрхийг минь барилгын компаниудын чанаргүй барилга булаачихаж. Үүнийг сүүлийн хоёр сарын хугацаанд ямар ч их мэдрэв дээ. Бас дээрээс нь Улаанбаатарын усны ундарга дээр гүрийсээр байгаад босгочихсон барилгууд өнөө хэр нь сүндэрлэж л байна.

Бас л бидний амар тайван амьдрах эрхийг минь булаасан хэрэг. Эцэстээ эзэнгүй барилга ч олшров. Хотын шинэ удирдлагуудаас юуны учир “нуугдсан” нь тодорхой. Хотын дарга энэ мэт барилгуудыг нурааж, заримынх нь барилгын ажлыг зогсоож байгаа. Харин зураг дээр байгаа зөвшөөрөлгүй, бас гүрийсээр байгаад барьчихсан зөрчилтэй барилгуудыг хэзээ нураах вэ? Хийж эхэлснийг нь харсан, одоо үргэлжлүүлэхийг нь үзэхийг нийслэлчүүд хүсч байна шүү дээ.

Нэг ажлаа хийж бас дуусгаж амжаагүй байхад өчигдөр бас нэгэн барилгын газрыг хүчингүй болгочихлоо. Энэ нь нөгөөх нураах барилгын тоонд “Тэмүүлэнбаатар” компанийн барьсан 61 дүгээр байрны залгаа орон сууц. Аягүй бол барилгын ч нураагаагүй байж газрыг нь хүчингүй болгочихоод дараа нь өөр хүнд газрыг нь өгчихвий дээ…