Загвар өмсөгч Пүрэвсүрэнгийн дуулиан шуугиантай амьдрал дуусахгүй нь ээ. Түүний анхны нөхөр Монголын тэргүүн баячуудын нэг Мянганбаяр залуу охидтой нэр холбогдон, холбогдсон болгоноо мөнгөөр тэтгэж туслалаа гэж хэвлэл мэдээллийн бай болон Пүүжээгийн нүүрийг улалзуулдаг байв. Удалгүй Мянганбаяр өөр нэг модель бүсгүйг хайрлах болсноор тэдний амьдрал дуусгавар болж. Пүүжээ ч охиноо хөтлөн төрхөмдөө буцсансан. Залуу халуун бүсгүй ганц бие удаан явна гэж юу байхав. Удаах нөхрөөрөө Цэгц хэмээх царайлаг залууг сонгон хамтын амьдралаа эхлүүлсэн билээ. Түүний шинэ нөхөр удалгүй зангаа таниулж хөөрхий бүсгүйг зодож нүдэн хардах болж. Пүүжээг хардаж дарамталдаг шигээ өөрөө бас тийм ч “ариухан” нөхөр биш бололтой. Цэгцээ Пүүжээг зураг авалт, шоу үзүүлбэр зэрэг ажил ихтэй үеийг нь далимдуулан зугаа цэнгэлээ амжуулдаг байж. Олон хавар нэгэндээ гэгчээр саяхан Цэгцээ гэртээ нууц амрагтайгаа “жаргаж” байгаад Пүүжээд баригдан бөөн асуудал үүсчээ. Зураг авалтын дараа тэрээр гэртээ яаран сандран ирэхэд нөхөр нь хаалгаа тайлж өгөхгүй нэлээд зовоожээ. Арга ядсан Пүрэвсүрэн “бүргэд” хаалга онгойлгодог хүн дуудан гэрийнхээ хаалгыг нээлгээд ортол залуу халуун нөхөр нь нэгэн хүүхэнтэй орон дотроо хэвтэж байсан гэнэ. Уур бухимдал, хорсолдоо шатсан Пүүжээ нөхрийгөө нүүр нүдгүй маажин ёстой л нэг буулгаж тавьсан гэнэ. Дуутай тэнгэр хургүй, цуутай хүүхэн хуримгүй гэдгийн адилаар хөөрхий бүсгүйн хувийн амьдрал тун ч бүтэлгүй байх юм аа.