Хvн эрvvл, аюулгvй орчинд амьдрах эрхтэй гэж Vндсэн хуульдаа тунхагласан

ч нийслэлчvvд бид эрхээ эдэлж чадахгvй байгаа нь vнэн. Өдөр ирэх бvр янз бvрийн саад бэрхшээлтэй тулгарч, тvvнээсээ болж эрvvл мэнд, сэтгэл санааны хохирол амсч байгаа. Бvр цаашлаад эдийн засгийн гvн гvнзгий хохирол амсаж байгаа нь худал биш. Амьдарч байгаа байшингийнх нь цонхыг таглах, хvvхдийн тоглоомын талбай, ахмадуудын амралт чөлөөт цагаа өнгөрөөдөг саравч, сvvдрэвчийг нурааж барилга барих нь өнөөдрийн Улаанбаатарт байдаг л vзэгдэл болж. Тэгвэл энэ бvхэнтэй эвлэрч чадахгvй гэдгээ Улаанбаатар хотын мээр Э.Бат-Vvл хэлсэн. Vvнтэй тэмцэж эхэлсэн. Нийслэлийн Засаг дарга болсоор зөвшөөрөлгvй барилга барьсан аж ахуйн нэгжvvдийн барилгыг нураах хvртэл арга хэмжээ авч эхлээд буй. Vvний vргэлжлэл болгож хотын мээр амралтын өдөр гэлгvй Хан-Уул дvvргийн нэгдvгээр хороонд очиж ажиллалаа. Тус хорооны 14 дvгээр байрны оршин суугчдын байшингийнх нь цонхыг таглаж 13 давхар барилга сvндэрлvvлжээ.

Мөн машин орж гардаг байсан гарцыг таглаж байшин барьсан байна. Vvнээс болж 14 дvгээр байрны оршин суугчид сvvлийн зургаан жил нар vзэхээ байсан байшинд амьдардаг болж. Өөрөөр хэлбэл, ямар ч зөвшөөрөл аваагvй том толгойтой “Адор пропортиз” компани энэ барилгыг барьж эхэлжээ. Барилга баригдах vед л оршин суугчид бариулахгvй гэж тэмцсэн ч vр дvнд хvрч чадаагvй аж. Улмаар дvvргийн Засаг даргадаа хандсан ч “Нийслэл газраа мэддэг юм. Бид мэдэхгvй” гэсэн хариу сонсон иргэд тусыг эс олсон гэнэ. Тиймээс Нийслэлийн Засаг дарга асан Г.Мөнхбаярт болон захиргааны хэргийн шvvхэд хандсан байна.
Захиргааны хэргийн шvvхээс газар олгосон захирамжийг хvчингvй, тус барилгыг хууль бусаар барьсан гэж vзэн нураах шийдвэр гаргаж. Мөн тухайн vеийн хотын мэр ч гэсэн барилгыг нураах захирамж гаргасан байна. “Мэргэжлийн хяналтын газраас тус барилгын С блок буюу зөвхөн хоёр давхар барилгыг нураахад 40 сая төгрөг шаардлагатай” гэсэн төсөв хийжээ. Гэсэн ч нийслэлээс хөрөнгө гаргахгvй, буруутай этгээдээр өөрөөр нь буулгуулна гэсээр өдий хvрчээ. Гэтэл С блок буюу хоёр давхар барилгыг нураавал цаад өндөр барилга нь нурна гэж хойргошсоор байгаа аж. Энэ мэт гомдол дагуулсан барилгатай танилцсан хотын мэр Э.Бат-Vvл оршин суугчдад, “Та нарын тавьсан шаардлага зvй ёсных. Орчин муудахаар хөрөнгийн vнэлгээ муудна. Тэгэхээр эдийн засгийн, эрvvл мэндийн ч хохирол амсч байна. Энэ барилгын тухайд шvvхийн болон захирагчийн шийдвэр гарчээ. Зөвхөн хоёр давхар барилга нураахад 40 сая төгрөгийн зардал гарна гэж тооцож. Тэгвэл 13 давхар барилгыг нураахад ямар хэмжээний зардал гарах вэ гэдгийг мэргэжлийн хvмvvстэй ярилцана. Улсын орлого болгож авах арга зам байна уу гэдгийг хайж vзье. Иргэдэд vvссэн эдийн болон сэтгэл санааны хохирлыг нөхөх талын арга хэмжээ авах уу. Аль эсвэл нураах уу. Шvvх шийдвэрээ гаргаж. Бид гvйцэтгэх ажлыг нь хийнэ. Би харлаа. Та нарын амьдралд ийм том хор хохирол учруулсны өмнөөс би уучлал гуйя. Нэгэнт тал талын шийдвэр гарсан болохоор хөрөнгө мөнгийг нь гаргаад буулгая. Хvйтрэхээс өмнө л буулгах арга хэмжээ авъя. Судлая гэж хойш тавиад яах вэ” гэсэн юм. Харин оршин суугчид, “Судлая гэж ярьсан төрийн албаныханд олон жил хууртлаа шvv дээ. Тиймээс та бvхэн vvнийг хvйтрэхээс өмнө буулгах арга хэмжээ авч өгөөрэй” гэж захисан юм. Барилга нураах ажлын төсвийг долоо хоногийн дотор тооцож гаргахыг Хотын дарга Э.Бат-Vvл Ерөнхий архитектор н.Хvрэлбаатарт vvрэг болгов.

ARDCHILAL