“Тусгай салаа”-ны Сүлд буюу жүжигчин А.Алтанхуяг зуурдаар бурханы оронд заларсан гэх мэдээллийг өнөөдөр түүний дотны найзуудаас манай сайтад “Энэ сарын 1-ний өдөр жүжигчин А.Алтанхуяг Сэлэнгэ аймаг руу хуриманд явж байгаад автын осолд орсон. Осол гарсан газар нь Дархан-Уул аймгаас 30 гаруй км-ийн алсад гэнэ. Тэрээр ослын улмаас тархиндаа битүү гэмтэл аван ГССҮТ-д хүргэгдэн ирсэн байна. Гэвч тархины битүү гэмтлийн хагалгаагаа даалгүй цэл залуугаараа хорвоог орхисон” гэх мэдээлэл ирсэн. Энэ асуудлыг тодруулахаар залуу жүжигчин А.Алтанхуягийн гэр бүл рүү утас цохиход утсаа урдаас салгах үйлдэл удаа хийж байлаа. Тиймээс залуу жүжигчний тухай мэдээллийг нийтэд түргэн, шуурхай, хүргэх үүднээс нэг талын эх сурвалжийн мэдээллийг барьж, хүргэсэн билээ.

Тэгвэл дөнгөж сая “Тусгай салаа”-ны Сүлд буюу жүжигчин А.Алтанхуяг бидэнтэй утсаар холбогдлоо.

-Сайн байна уу. Таны биеийн байдал ямар байна. Хэзээ эмнэлгээс гарах вэ?

-Миний биеийн байдал сайн байгаа. Хагалгаа маань амжилттай болсон. Одоогоор боолт хийлгээд л байж байна. Хэд хоногоос эмнэлгээс гарна.

-Таны тухай эвгүй мэдээлэл манай сайтаар цацагдсанд хүлцэл өчье…?

-Ийм мэдээлэл гарсан нь тун харамсалтай байна. Гэхдээ найзууддаа баярлалаа. Би мөнх амьдрах юм байна.

-Хамт явсан гурван бүсгүйн биеийн байдал хэр байна вэ?

-Тэд сайн байгаа. Дор бүрнээ эмчилгээ хийлгэж байгаа” хэмээн залруулга хийлээ.

Ямартаа ч монголчууд бидэнд “Тусгай салаа” олон ангит киногоор танил болсон залуу жүжигчин А.Алтанхуяг болон түүнтэй хамт явсан найзуудад нь эрүүл энх, сайн сайхныг хүсье.

Б.Дэжид