“Сонгдо” эмнэлэг хэвтэн эмчлүүлэгсэддээ өчигдөр үдээс хойш өттэй хоолоор “дайлжээ”. Тус эмнэлгийхэн өчигдөр ногоотой шөл өгсөн бөгөөд тус хоолонд нь өт байсан байна.

Хоолонд өт байсныг мэдсэн үйлчлүүлэгч “Энэ юу болж байна вэ. Өттэй материалаар хоол хийдэг юм уу, Ийм байж яаж хүмүүсийг эмчилдэг байна аа” гэхэд “Юун сүртэй юм бэ.

Өт байж л байдаг биз дээ. Тогооч оо үүнийг хар даа” хэмээн тоомжиргүй ханджээ. Өттэй хоол идсэн эмчлүүлэгч эмнэлгийн менежерт нь хандаж гомдол гаргажээ. Мөн Нийслэлийн Мэргэжлийн хяналтын газарт ч хандахаа ч мэдэгдсэн байна.

“Сонгдо” эмнэлэг өвчтнөөс өндөр төлбөр авч эмчилдэг атлаа ийнхүү эрүүл ахуйн шаардлага хангахгүй үйлчилгээ үзүүлж байна. Тус эмнэлгийн 6 дугаар давхарын люкс өрөө өдрийн 29 мянгаас 69 мянган төгрөгийн төлбөртэй юм байна. Үүн дээр эмчилгээ, хоолны төлбөр нь нэмэгддэг гэнэ. Зарим хүмүүс долоо хоног эмчлүүлэхдээ сая төгрөгийн төлбөр төлөх нь энүүхэнд аж.

chuhal.mn