Номёр нэг юу ч болж байлаа гэсэн нэгдүгээрт бичигдэх ёстойгоо харуулж хамгийн түрүүнд  орчноо солилоо.

Моодыг дэлгэрүүлэх үүднээс тун удахгүй “Харанхуйгаас илгээх захидал”-аар найзуудаа дуудах нь ойлгомжтой. Намын журамт нөхдүүд нь захидлыг нь эзэнд нь хүргэх ажлыг хийх нь ч тодорхой. 20 хонохдоо тэсээгүй хүний хувьд 1432 хоног мөн ч их хугацаа. Тэгэхээр “Харанхуйгаас илгээх захидал”-ын цуваа олон байна гэж найдаж байна. Яагаад найдаж байна вэ гэхээр тус захидлын агуулга нь “Найзаа найзаа нааш ир” байх учраас олон ч авилга, хээл хахуулын эзэд дуудлага хүлээн суугаа.

Тэрээр анхны захидалдаа “Эрх баригчид надаас яагаад айв?” гэдэг асуудлыг хөндөж голруу нь оруулалгүйгээр бичсэн. Харин одоо хөндсөн сэдвийнхээ талаар эхнээс нь дуустал бичих цаг гарч байна. Түүний хэлсэнээр бол Оюутолгойтой холбоотой, 7-р сарын 1-тэй холбоотой, 2008, 2009 оны сонгуулийн талаар мэдээллийг олон нийтэд дэлгэхийг хүссэн гэдэг. Үнэхээр түүний цээжинд олон нууц байгаа юм бол тэр олон зүйлийн талаар бичих ёстой болно. Юун төлөө хэвлэл мэдээлэл бол 4 дэх засаглал гэдэг билээ. Түүнд үүнээс өөр арга байхгүй.

Түүнийг улстөрөөс холдуулах компанит ажил маш олон хүний хүч хөдөлмөр, оролцоотойгоор амжилтанд хүрэхэд ойрхон болоод байна. Улстөрөөс холдуулна гэдэг улстөрд оролцохгүй байлгах 100 хувийн баталгаа гаргана гэсэн үг биш. Байдал хаашаа ч эргэж болно. Байдал хаашаа ч эргэж магадгүй гэдгийг мэддэг хүмүүсийн хувьд амаа хамхиж тус болсон гай ч болсон.

Зарим эх сурвалжуудын үзэж байгаагаар бол хэд хэдэн хүнийг араасаа дагуулах талаар бичсэн байна. Хамгийн түрүүнд нэрлэгдэж байгаа хүн бол  Ц.Батбаярт. Түүнийг “Өргөө”-тэй холбоотой хэмээн үзсэн байх юм. Мөн үүнтэй холбоотойгоор НИТХ-ын даргаар ажиллаж байсан Н.Болормаа ч дуулдаж байна.

Сэтгүүлчдийн мэдэж байгаагаас илүүг Н.Энхбаяр мэдэж байгаа мэдээж. Дараа дараагийн дуудлага хүлээж авах найзууд хэн хэн байх бол? Сонирхолтой таавар биш гэж үү?

1010.mn