хийхээр бэлтгээд тун ч завгүй байна. Анхныхаа нөхрөөс салж, охинтойгоо хоёулахнаа олон жил амьдарсан жүжиг­чин Одончимэг дөчин насын босго давсан хойноо өөрөөсөө олон дүү царайлаг залуутай дэр нэгтгэх үед олон хүн тэдний хайр сэтгэл хамтын амьдрал бат бэх байна гэдэгт эргэлзэж байлаа. Гэвч цаг хугацаа бүхнийг харуулж, Бархүүгийнх гэдэг өнөр өтгөн айл гал голомтоо бадрааж, үрийн зулай үнэрлэж, бас зээ охиноо хүлээж аваад удаагүй байна. Охид хүүхнүүдийн анхаарлыг байнга татаж байдаг жүжигчин Бархүү өөрөөсөө олон насаар эгч бүсгүйтэй ханилж, гучаадхан насандаа зээ охиноо хүлээж авч, “өвөө” хэмээн дуудуулах болоод байгаа ч хувийн амьдралдаа үргэлж сэтгэл хангалуун байдаг гэнэ. Монголын хамгийн залуу өвөө гэж нэрлэгдэж байгаа жүжигчин эр маань “Би өвөө гэж хэлүүлэхээсээ огтхон ч ичихгүй, харин ч баярлана. Намуунаа маань төрж, намайг өвөө болгосон. Энэнд бусдаас санаа зовж, нууж, хаах юм ерөөсөө байхгүй. Хүн хүн төрүүлэх чинь хамгийн том баяр баясал шүү дээ. Энэ бол манай гэр бүлийн аз жаргал. Бусдад ямар харагдах нь огтхон ч хамаагүй” хэмээн ярьжээ. Олны өмнө эхнэртээ алмазан шигтгээтэй цагаан алтан бөгж бэлэглэж албан ёсоор гэрлэх санал тавьж, Олон улсын эмэгтэйчүүдийн баярын өдөр алаг нүдэн Одноог уярааж байсан Бархүү маань хурим найраа ч гэсэн ёс төртэй, хөл хөдөлгөөнтэй хийхээр шийдсэн бололтой.  Тэд Зайсангийн аманд хагас тэрбумын үнэтэй байр захиалж, “Шилмэл гоёл” компанид хуримын даашинзаа оёулахаар захиалга өгчээ. Тэд хурим найраа намрын дунд сарын билэгт  сайн өдөр хийхээр товлож, хүндэт зочиддоо урилга заллага хүргүүлээд байгаа аж. Хосууд маань “Мастер пропертис”-аас захиалсан 500 гаруй тэрбумын үнэтэй байраа өөрсдийн хүссэн загвараар тохижуулжээ.