Өөрийгөө Мино хэмээх гадаад нэрээр өхөөрддөг адтай нэгэн охин сүүлийн үед хэвлэлийнхний анхаарлыг багагүй татах болоод буй. Түүний жинхэнэ нэр нь Т. Номин. Тэрээр “Sound of kiss” хэмээх охидын хамтлагт дуулж, урлагийн ертөнцөд анх хөл тавьсан. «Хайрлаж болох уу» уран сайхны киноны гол дүрд тоглож, чамгүй авьяастай жүжигчин болохоор харуулсан ч түүний карьер хүссэн хэмжээнд нь хүртэл өсч чадаагүй.

Хамгийн хачирхалтай нь, Мино хамтлагийнхаа нэрийг барьж «алтны магнат» гэгддэг Ц.Мянганбаяраас орон байр гуйсан учир хамтлагийнхан нь түүнтэй хамтран ажиллахаас татгалзсан гэдэг. Хамтлагаасаа гарсны дараа тэрээр хэсэг хугацаанд бие даан уран бүтээл туурвисан ч амжилт олоогүй юм. Удалгүй «Хатарыш» дууг «Хар сарнай» хамтлагийн ахлагч Амараагийн төрсөн дүү С. Амарбаясгаланттай хамтран дуулсан нь түүнд чамлахааргүй амжилт авч ирсэн гэхэд хэлсдэхгүй. Гэвч дорвитой уран бүтээл туурвидаггүй ч жижигхэн бие, өхөөрдөм төрхөөрөө эрчүүдийн анхаарлыг татдаг Мино «алтны магнат» Ц.Мянганбаяр, алтны компанийн нэр нь үл мэдэгдэх захирал, тэр ч бүү хэл, мянгат малчин залуутай хүртэл нэр холбогоод амжсан. Ийнхүү үнэн, худал нь мэдэгдэхгүй олон залуутай хайр сэтгэлийн «харилцаа үүсгэсэн» тэрээр одоо Дамбын Хишигээгийн дүү Укатай үерхэж байгаа аж. Энэ хоёрын үерхэл хэдэн сарын өмнө ил болсон  бөгөөд залуу хос Дундговийн наадамд хамтдаа дөрөө харшуулан явах нь олон түмний хараанаас мултарсангүй…

Duulian.mn Б.Отгон