Монголын рок попын ертөнцөд “Киви” хэмээн өвөрмөц өнгө төрх, имидж бүхий хамтлаг хэдэн жилийн өмнөөс залуусыг байлдан дагуулж байна. Рок попын ертөнц дахь “Хар сувд” хэмээгддэг дуучин Намуунаа СГЗ Д.Ухнаагийн “амьны ач охин” төдийгүй  “Киви” хамтлагийн амин сүнс яах аргагүй мөн. Тэрээр  рок попын “тогоон”-д хамгийн өвөрмөц дүр төрх, имижтэй гэдгээрээ эрхгүй ялгардаг. Харин түүний төрсөн эцгийг уншигч та аль улсын иргэн гэдгийг мэдэх үү?

“Киви” хамтлагийн дуучин Намуунаа одоогоос таван жилийн тэртээ өөрийнхөө төрсөн эцэгтэй уулзаад иржээ. Түүний аав Африкт оршдог Габон улсын нөлөө бүхий улм төрч, дипломатч нэгэн байдаг бөгөөд Монгол улсад нэр алдараа мандуулж яваа авъяаслаг охиноороо чин сэтгэлээсээ бахархдаг гэсэн.

Хэдийгээр дуучин Намуунаагын  аав, ээж залуу насандаа бие биедээ дурлаж, хайрын билэгдэл болох хөөрхөн охин төрүүлсэн ч тухайн үеийн нийгмийн байдал  тив, яс үндэс, хэл соёл өөр гэх шалтгаанаар хоёр тийш болсон гэдэг.

Сонирхуулахад, Габон улс нь  баруун төв Африкт оршдог, баруун талаараа Гвинейн булангаар хүрээлэгдсэн баруун хойд талаараа Экваторын Гвиней, хойд талаараа Камерун, зүүн ба өмнөд талаараа Бүгд Найрамдах Конго Улстай хиллэдэг улс ажээ.

Нутаг дэвсгэрийн нийт талбай 270,000 км² хүрэх бөгөөд хүн ам нь 1,500,000 орчим гэнэ.

Гобан улсын нийслэлийг Либревилль гэдэг. 1990-ээд оны эхэнд Габон олон намын тогтолцоо нэвтрүүлж, сонгуулийн ажиллагааг ил тод болгож, төрийн байгууллыг шинэчилсэн шинэ Ардчилсан үндсэн хуультай болсон. Хүн ам цөөн, байгалийн баялаг ихтэйн дээр, гадаадын хувийн хөрөнгө оруулалт их орж ирснээр Габон бүс нутгийнхаа хамгийн хөгжилтэй улсуудын нэг болсон бөгөөд хүний хөгжлийн индексээр Сахараас өмнөх Африкт тэргүүлдэг ажээ.

Б.Дэжид