Өөрийн байгаа байдал, уран бүтээлээрээ олонд танигдсан “Маск” продакшний жүжигчин Гэрэлээ уран бүтээлийн ажил гээд одоо болтол амьдрал зохиогоогүй ганц бие амьдарч байгаа. Уран цэцэн үгтэй, эелдэг даруу зантай жүжигчин бүсгүй маань Монголын хошин урлагт өнгө нэмж, нэлээд олон жил хүчин зүтгэж чамлахааргүй олон кинонд дүр бүтээгээд амжсан. Авьяаслаг, царайлаг Гэрэлээ өнөөдрийг хүртэл өөртөө хатуу шаардлага тавин гэр бүлийн амьдрал зохиож байгаагүй ч хэд хэдэн залуутай нэр холбогдоод амжсан.  Жүжигчин бүсгүй маань “Би гэр бүл зохиох” болоогүй хэмээн өдий хүртэл сэтгүүлчдийн амыг хааж байсан. Харин саяхнаас Гэрэлээг өөрийн жинхэнэ хайраа олсон, удахгүй хуримаа хийж магадгүй гэсэн бор шувуу нисэх болсон. Сайхан бүсгүйн хайрыг булааж чадсан дурлалт залуу нь мөн л урлагийн хүн гэнэ. Ойр дотныхоных нь ярьж буйгаар удахгүй Монголын урлагт хүчин зүтгэсэн сайхан гэр бүлийн тоо нэгээр нэмэгдэх бололтой.