“100 мянган айлын орон сууц” хөтөлбөрийн хү­рээнд иргэдийг хямд үнэ­тэй орон сууцтай болгож,

Улаанбаатарыг утаа, бо­хирд­лоос салгах их аян эхэлсэн. Гэхдээ энэ хөтөлбөр бүрэн дүүрэн  хэрэгжиж, хүмүүс хэр тааруу үнээр байртай болох эсэх нь өдгөө орон сууцны компаниудын мэдэлд орсон гэхэд хилсдэхгүй. Сүүлдээ бүр Засгийн газрын өөдөөс  том дуугарч, салбарын яамны  сайдыг дуудаж уулзах нь халаг болж байгаа.

Барилгын ком­паниудын хэрээс хэтэрсэн болчимгүй, увайгүй үйлд­лээс болж  хохирсон хүний тоо олон мянгаар нэмэгдэж байна. Чанаргүй, хийц  муутай барилгаа тэнгэрт тултал магтан сур­талчилж, иргэдээс урьд­чилгаа мөнгө авдаг ч бодит байдал дээр мөнөөх тансаг харш нь гаднаа талбай ч үгүй байх нь олон.

Иймэрхүү компаниудыг жагсаая гэвэл цаг, цаас нэ­лээд үрнэ. Тэдний нэг нь “Бэрэн констракшн” ком­пани. Барилгын салбарт тө­дийлөн амжилт үзүүлээгүй ч олны дунд байнга хэл ам таталдгаараа нэрд гарсан.

Тодруулбал, “Бэрэн констракшн энд Автомэшн” ХХК орон сууц худалдан авсан, мөн  урьдчилгаа  мөнгөө төлсөн иргэдийн эрхийг удаа дараа зөрчиж байгаа аж. Тиймээс иргэд компанийн удирдлага, хол­богдох  албаныханд гом­дол, саналаа хүргүүлсээр, эцэст нь цөхөрч байгаа тухайгаа ярьсан юм.

Хамгийн гол нь эдгээр иргэний гомдлыг тус ком­панийн ерөнхий захирал А.Хүрэлшагай огт тоож  сонсдоггүй гэнэ.

Түүний энэ үйдлийг хохирогч иргэд Татварын Ерөнхий газар болон Мэр­гэжлийн хяналтын Ерөн­хий газар, Хэрэг­лэгч­дийн эрх ашгийг хамгаалах нийгэмлэг зэрэг газруудад мэдэгдэж, гомдол гаргаж эхэлжээ.

А.Хүрэлшагай нь булхай, луйвар хийхдээ гаршсан нэгэн бололтой. Тэрбээр орон сууцны захиалга авч, урьдчилгаа өгсөн иргэдийн мөнгийг эргэлдүүлдэг гэж байгаа.

Тус компанийн байранд орохоор урьдчилгаа төлсөн хүмүүст янз бүрийн шалтаг хэлж, мөнгийг нь хувьдаа ашиглаж  байгаад сүүлд нь “Та бүхэн байр ашиглалтад орохыг хүлээж чадахгүй бол мөнгөө ав даа” гэж тавладаг тухай хохирогчид ярьж байсан.

Түүнчлэн мөнгөө бүрэн төлж, байрандаа орсон иргэдээс хүртэл учир үл ойлгогдох шалтгаанаар илүү төлбөр авах зэргээр эрх ашгийг нь ноцтой зөрчдөг байна. Тухайлбал, улсын комисс хүлээж аваагүй байрандаа захиалга авч, иргэдийг оруулсан.

СӨХ-ны ус, цахилгаан гэх хөлсөн дээрээ хэрэглээний ус, цахил­гааны тарифыг нэмж авдаг гэж оршин суугчид хэлж байсан.

Иргэдийг хамгийн их бухимдуулж буй зүйл нь цахилгааны мөнгийг 79-92 төгрөгөөр, халуун усны мөнгийг 1550 төгрөг гэж нэмж тооцон авдаг байна.

Хохирогчдын гомдол үүгээр ч зогссонгүй.  Анх байрны захиалга авахдаа орон сууцны гаднах хашаан доторх машины зогсоолыг байрны м.кв-ын үнэнд шин­гээн, тооцож авсан ч ор­шин суугчдын машиныг зогсоол дээр тавиулдаггүй, хэл ам хийдэг аж.

Гомдол гаргасан хүнийг “Мөнгөө эргүүлээд авч болно, харин машинаа өөр газар аваачиж тавь” гэх зэргээр загнадаг тухай олон хүн хэлж байлаа.

Орон сууц худалдан авна гэдэг хэр баргийн хүний хэтэвчний хэмжээ биш. Хүмүүс олон жил гадаадад ажиллаж, хөлс хүчээ шавхан байж олсон хэдэн төгрөг хамаг байдгаа барьцаалан авсан зээлээр ганц өрөө байх авах нь бий.

Барилгын үнэ өд­рөөс өдөрт нэмэгдэж байгаа бо­лохоор өмнө нь захиалгаа өгсөн иргэдийг ямар ч ар­гаар хамаагүй холдуулаад дараагийн захиалагчийг авдаг аж.

Нэгэн баримт дурдахад, “АПУ” компанийн үйлд­­вэрийн ойролцоох бай­ранд нэ­гэн залуу хос урьд­чил­гаанд 20 сая төгрөг төлж, гэрээ байгуулжээ. Гэ­тэл хэд хоногийн дараа бай­рандаа орохоор ирэхэд нь аль хэ­дийнэ өөр хүмүүс оруулсан байж.

Ингээд урьдчилгаагаа өгсөн залуус  тус компанийн удирдлагад гомдол гаргахад “Мөнгөө буцааж ав. Наад айл чинь арай өндөр үнэ төлсөн” гэснээс өөр тайлбар хийгээгүй аж. Арга нь му­хардсан залуу гэр бүл энэ хууль бус луйврын та­лаар холбогдох хуулийн бай­гууллагад өргөдлөө гаргажээ.

Гэхдээ хуулийнхан ямар нэгэн арга хэмжээ авалгүй байсаар өнөөдрийг хүрсэн байна. Үүнээс харахад А.Хүрэл­­шагай­гийн ард нөлөө бү­хий нэгэн байдаг бололтой.

Сураг сонсоход АН-ын нэ­лээд том албан тушаалтан “Бэрэн констракшн”-ы нууц ноёнтон гэнэ. Тиймээс л энэхүү увайгүй, бүдүүлэг нөхөр ямар нэг хариуцлага хүлээдэггүй аж.

Эх сурвалж :”Өглөөний сонин “