Намаасаа гарчихлаа, ноосооо ч тушаачихлаа гэдэг шигУИХ-ын гишүүн Ц.Даваасүрэн УИХ-ын сонгуульд төрсөн нутаг Хөвсгөлөөсөө бие даан нэр дэвшиж байгаа.

Намаасаа хөөгдөөгүй байхдаа Ерөнхий сайдыг хүртэл “ Хамтарсан засгийн газрын үед өөрийн багаа бүрдүүлж чадаагүй” хэмээн шулуухан туучихаж байсан нөхөр дөө. Магадгүй намаас хөөгдөх жинхэнэ шалтгаан нь энэ ч байж мэдэх л юм.

Бусад нь МАХН-ын хаяаг бараадсан бол мань хашир эрийн шийр зааж бие даах шийдвэр гаргасан нь оносон уу гэхээс алдаагүй. “Энэ хүүхнүүд үү” кинон дээр Жамц дарга “Угаасаа би нэгийг харж урваж нөгөөг харж шарвагнадаг завхай эрчүүлд үнэн голоосоо дургуй” гэдэг шиг нэг намаас гарангуутаа нөгөө намд шарвагнаагүйг нь Чингүнжавын үр удам үнэлж цэгнэж л байгаа.

Энэ удаагийн сонгуульд Хөвсгөлийн тойрогт мөнгө төгрөгтэй “нөхөд” нэлээд эртнээс үзэж тарж байгаа. Ц.Даваасүрэнгийн рейтинг Хөвсгөлд өндөр байгаагийн шалтгаан нь угаасаа нэгийг харж урваагүй, нөгөөг харж шарваагүйгээс гадна тойргийн сонгогчидтой нь давхар шийтгэсэн МАН-ын рейтинг Хөвсгөлд нам унасантай холбон тайлбарлаж ч бас болно.

МАН-ын задралыг таашаадаггүй угаас салж нийлсэн, тарж бутарсан байхаас эв нэгдлийг илүүд үздэг аливаад хүлээцтэй ханддаг, тэгсэн атлаа хэлэх гэсэн зүйлээ хэнээс ч эмээлгүй шулуухан хэлчихдэг энэ эрхмийн хувьд энэ удаагийн сонгуульд “Түмний итгэл, тууштай зүтгэл” гэсэн уриатай оролцож байгаа нь цаанаа учиртай.

Эдийн засгийн шинэчлэл хийх хэрэгтэй. Харин хийхдээ зөв төр хийх хэрэгтэй гэж үздэг Ц.Даваасүрэн гишүүнтэй олон эдийн засагчид санал нэг байдаг юм билээ. Өнөөдрийн эдийн засгийн гацаа, амьдрал ядуу, нийгэм бухимдалтай байгаа нь бүгд эдийн засгийн буруу тогтолцоо цаашилбал улстөрийн гаж тогтолцооноос үүдэлтэй. Үүнийг шүүмжилсэн засах гэсэн нэгнийг нь засаг төр шийтгэж намаасаа хөөнө. Барьц алдахгүйн тулд хөөгдсөн гишүүд уухайн тас өөр намыг сонгодог бол Ц.Даваасүрэн гишүүний хувьд асуудлыг арай өөр өнцгөөс харж зоригтой алхам хийсэн.  Хүн төрөлхтөн олон нэг хүнээс бүтдэг. Ганц дайчин ганцаардахгүй ээ.

www.shuurhai.mn