Хошин шогийн гэх хөгийн инээдтэй алиа салбадайнууд сүүлийн үед хаа сайгүй хашгичиж явах болсон. Ард түмэн ч эцэстээ тэднээс залхаж, дургүйлхдэг болсоор удаж байгаа. Хийх юмаа олж ядсан, хүмүүсийн хөдөлмөрлөж олсон мөнгийг хувалз шиг сордог хошин шогийнхон эцэстээ бүр даварч, ард түмнээр даажигнадаг болжээ.

Хошин салбадайнууд дундаа Аглуу хэмээгддэг Баттулга сүүлдээ бүр дүрдээ итгээд нүдгүй, хараагүй, мэдрэлгүй хүний дүрд тоглож хотын гудамжаар илийрч балайрч явдаг болжээ. Саяхны нэг өдөр тэрбээр орон сууцныхаа хажууд явсан ард иргэдийг борооны тунасан усаар машинаараа шүршиж доромжилжээ. УБЭ 62-62 хэмээх хар ногоон өнгийн Ланд круйзер машиндаа жаахан бүсгүй  суулгасан тэрбээр зугаагаа гаргаж гайхуулах гэсэн үү, аль эсвэл үнэхээр хараагүй сохор болсон уу хүмүүсийг нүүр нүд, толгой тархигүй тунасан их шавартай усаар шүршчихээд зугаатаахдаа “Би харсангүй” гээд хээв нэг “жүжиглэсэн” гэнэ.

Гэгээн цагаан өдөр “хараагүй” хүн машин бариад явж байгааг замын цагдаагийхан ч бас мэдээгүй гэнэ. Шавартай усаар бүх биеэрээ будуулсан иргэд “Энэ Аглуу өвчтэй солиотой болж” хэмээн бухимдлаа илэрхийлэн цагдаад хүртэл хандсан байна. Өмнө нь машинаараа хүн дайрч явсан Аглуу хочит Баттулга одоо борооны шавартай усаар хүмүүсийг нулиман шүршиж явдаг болсныг олон хүмүүс зэвүүцэн түүнийг үзэн ядаж байна.
Ц.Баатар /www.wikimon.mn/