“Монголын мисс” тэмцээнийг чансаатай байх үед буюу 2000 онд миссээр тодорч байсан Монголын сайхан бүсгүйчүүдийн нэг Ё.Нямжав сэтгүүлч мэргэжлээр БНХАУ-д магистр хамгаалж байгаа аж. Суралцахын хажуугаар МАН-ын ажилд уйгагүй зүтгэдэг тэрээр жалганы үзэлд тун дургүй нэгэн.

Гэтэл өдгөө өөрийн дургүй зүйлдээ нэгэнт хүчин зүтгэх болжээ. МАН-ын хоёр генсекийн үүсгэн байгуулж, 100 хувийн хөрөнгө оруулсан “Шинэ дэлхий” телевизэд Ё.Нямжавын үүрэг оролцоо маш их бөгөөд эгч, дүүс тус телевизийн бодлогыг тодорхойлж, ажилтан авах, халах, эфирт юу нэвтрүүлэх, хэнтэй ямар харилцаа холбоотой ажиллах эсэхийг шийддэг гэнэ.

МАН-ыг магтаж, бусад улс төрийн хүчнийг муулах жанжин шугамтай тус телевизийн Гадаад харилцааны хэлтсийн дарга нь Ё.Нямжав аж. Миссийн нэрээр бүтэшгүй ажлыг ч бүтээж байгаа “Шинэ дэлхий” телевиз Ё.Нямжаваар гоёж байгаа аж.
М.Амгалан /www.wikimon.mn/