ГХ-ны дэд сайд Г.Тэнгэр гэдэг шавилхан залуу Сонгинохайрхан дүүрэгт нэр дэвшсэн.  Тэрээр улс төрийн нэр хүнд байр сууриараа төдийгүй мөнгө хөрөнгөөрөө ч гологдож эхэлсэн гэнэ. Залуу сайдтай хамт аварга Д.Сумъяабзар, “Өгөөж чихэр боов” компаний захирал С.Түмэнгэрэл нар дөрөө харшиж байгаа.  Аль алинд нь мөнгөгүйн зовлон алга.  Сумаа аваргын ард “Үндэсний хөрөнгө оруулалтын банк”-наас гадна арлын орноос мөнгө хамж ирсэн бас нэг аварга дүү нь байна. Тэгвэл нөгөө захирал нь бас мөнгөтэй хүчтэй том хүнсний үйлдвэртэй хүн санхүүгийн асуудалд толгой өвдөх зүйлгүй аж.  Ингээд хоёр мөнгөтэй нэр дэвшигчид нь нийлээд мөнгөгүй нэгнээ жийгээд эхэлжээ.  Диплом, сертификатаас өөр зүйл цуглуулаагүй Г.Тэнгэр аргагүй л хоцроод эхэлсэн.  Дээр нь Сонгинохайрхан дүүргийн МАН-ын хороо гээд хэзээнээсээ нэр дэвшигчидээ шатаагаад унагаагаад сурчихсан нөхдүүд байдаг.  Намын хорооны дарга Д.Баярсайхан хатагтай нь мөнгөтэй хоёроо дэмжээд тэр дундаасаа Сумаа аваргыг аль эртнээс л балиашиглаад байгаа.  Үлдэх сонгуулийн өдрүүдэд энэ нь бүр ч илүү тод харагдах биз.  Г.Тэнгэр сайдын хувьд Д.Сумъяабазар аваргатай багын найз зан зангаа авалцсан гээд байсан нь худлаа болж таарчээ.  Өдгөө дүүргийн МАН-ын хорооны штаб хавиар Тэнгэр сайдыг энэ сонгуулиар “тэнгэр харах байх даа хөөрхий” гэсэн яриа тарч.  Энэ ч үнэний ортой байж магадгүй гэнэ.

NUUTS.MN С.Норов