Цэрэг, эх орны сэдэвтэй дуугаараа сүүлийн үед алдаршаад байгаа Монголын эстрадын домог болсон дуучин Галхүүгийн шавь, СТА дуучин Н.Гантулга МАХН-ыг идэвхитэй дэмжиж, аливаа урлаг, соёлын арга хэмжээнд нь тэргүүн ээлжинд оролцож байгаа аж. 40 насыг зооглосон дуучин залуугийн хувийн амьдрал тогтворгүй байгаа ч тэрбээр хувьсгалын үйл хэрэгт идэвхитэй оролцож, хундаганы оронд микрофон барьж, Хувьсгалт намд залуусыг элсэхийг идэвхитэйгээр уриалж байна.

Хоёр жилийн өмнө Kumo хамтлагтай нийлж “Алдаг юм байна” нэртэй дуу дуулсан нь тухайн үеийн “Тавантолгой”, “Оюутолгой”-г гадаадынханд бэлэглэсэн эрх баригчдыг хүчтэй шүүмжилсэн клиптэй болж, Н.Энхбаярын мэдлийн гэгдэх TV-9 телевизээр зогсоо зайгүй цацагдаж байсан билээ. Энэ үеэс Микрийн Н.Гантулга МАХН-ыг идэвхитэй дэвжиж байгаагаа илэрхийлж эхэлсэн. Түүний энэхүү алхам урлагийнхан зөвхөн урлагтаа үнэнч байхаас гадна улс эх орныхоо төлөө дуугардаг байх ёстой гэсэн шинэ зарчмыг үеийнхэндээ үлгэр дууриал болгож явна.
Г.Заяа (www.wikimon.mn)