АН-ын хар толбо “Аавынд” суухаас зугтаасаар байна МАН-аас нэр дэвшихээр бэлтгээд байсан “Сод монгол” компанийн захирал Ц.Анандбазарыг АТГ-ыхан баривчилсанаас хойш Б.Наранхүүгийн сураг тасраад байна. Сураггүй байгаа түүнийг зарим нь аль хэдийнэ баривчлагдчихсан гэж байгаа бол зарим нь Хонконг руу зугтсан хэмээн тааварлаж байна. Хэрвээ үнэхээр зугтсан бол тэрбээр юуны тулд баривчлагдах болов.

Уг нь Б.Наранхүү баривчлагдахгүй хэмээн их үзжээ. Ямар сайндаа л эртнээс тэтгэж ирсэн МАН-аасаа урваж, АН-ыг бараадан, нэр дэвших тойргоо хүртэл тэрбум төгрөгөөр үнэлэн авсан. Тодруулбал мөнгө төгрөгийг чинь хангалттай өгье. Харин оронд “намайг бодоорой” хэмээн АН-ын удирдлагуудтай яг таг тохиролцчихсон байж.

Гэвч Ц.Элбэгдоржийн санаа нь хувирч, АТГ-ыхан Б.Наранхүүг эрж хайн баривчлахаар зэхсэн нь ийнхүү түүнийг сандралд оруулсан хэрэг.
Гэхдээ бас МАН-аас урвасан нь бас л учиртай гэнэ. Б.Наранхүү МАН-аас нэр дэвшихээр саналаа илэрхийлсэн ч генсек У.Хүрэлсүх хавьтуулаагүй гэсэн “бор шувуу” нисч байна. Тиймээс Б.Наранхүү арга ядахдаа АН-д гурван тэрбум төгрөг хандивласан гэх мэдээлэл байна. АН нэр дэвшигчдээсээ 50 сая төгрөгийн хандив авч байгаа. Хэрвээ энэ мэдээлэл үнэн бол тэр 60 дахин их мөнгө хандивлаж байж нэр дэвших “виз” авсан байх нь.

bolod.mn