МАН ядаж УИХ-ын сонгуульд жагсаалтаар өрсөлдөх нэр дэв­шигчдийнхээ тоонд С.Баярыг оруу­лаагүй явдал нийгэмд

олон янзын асуултыг үүсгээд бай­на. С.Баяргүй МАН нэг л уйт­гар­тай гэх хүүхнүүдийн цайны хийц ч нэлээдгүй. Эрс шулуун зан­тай, хийе гэснээ шулуухан эх­лүүлчихдэг түүнийг сайшаан дэм­жигчид дэндүү олон бий. С.Баяр тэр болгонд тайлбар хийж, шаль­чигнаад байдаггүй. Улс­төрч хүн сайн, муу мэдээлэлд иймэр­хүү дөжирчихсөн байд­лаар ханддаг байдлыг гол шал­гуур болгон “хат суусан жин­хэнэ улстөрч“ гэж дүг­нэ­дэг сонгогчид Монголд дий­лэнх байдаг. Нийгэмд нэ­гэнт хүлээн зөвшөөрөгдсөн ийм улс төрчдийг муу хэлэх нь ба­­раг л сурталчилгаа болж ху­вир­даг бичигдээгүй хууль­­тай. Тэр ч утгаараа түүний ту­хай “Ерөнхийлөгчийн сон­гуульд өрсөлдөх гэж байгаа гэ­нэ”, “Саусгоби сэндс”-тэй хол­боо­­той асуудлаар канад эрд гөв­шүүлчихжээ. Бие нь их муу бай­гаа гэнэ”, “АМГ-ын удирд­ла­гуудын нэгийг гаргадаг чинь мань хүний хийсэн ажил гэнэ шүү дээ” гэсэн яриа иргэ­дийн дунд салхитай талын түй­мэр шиг газар авч байна.

Улс­төрчийн нэр хүндийг олны ан­хааралд үргэлж байдгаар нь дүгнэдэг бол Монголд одоо С.Баяр шиг лидер алга. Хүн болгоны амнаас “С.Баяр хаа­чив” гэсэн үгс унаж, лидерээ үгүйлж байна. Гэвч тэрбээр нэ­гэнт шийдвэрээ гаргаж улс тө­рөөс холдохоор шийджээ. Гэх­дээ түр үү, бүр үү гэдэг нь бүр­хэг үлдэж байна.
Том хүний шийдвэр том үр да­­гаварыг авчирдаг. С.Баярын гар­гасан шийдвэр Монголын улс төрд маш том нөлөө үзүүл­нэ гэдэг нь тодорхой. Сон­гуульд МАН-ын ялах эсэх асуу­дал түү­нийг нэр дэвшүүлэх, үгүй­гээс шалтгаалж байсан ч байж ма­гадгүй. Учир нь түүнийг сон­гуульд пропорциональ хэл­бэр орж ирснээр хэл аманд ороо­цолд­сон хүн намаа доош нь татах бай­дал үүссэн.

Үнэн­дээ түүнийг ороо­гоод буй “Өөрөө­сөө хамаагүй ахмад Р.Раш гишүүнд “Өвгөн ах нь” гэж хандсан, “зодоон цохион хий­­сэн” гэсэн аахар шаахар хов живнээс “УИХ-д суухдаа дор­витой хууль санаачлаагүй, аж­лын хэсэгт орж ажиллаагүй ер нь гишүүний үүргээ муу бие­лүүл­сэн. Дахиад сонгохгүй бай­сан ч харамсах зүйлгүй” гэсэн шүүмжлэл нь илүү даацтай байв уу. “Номхон тэмээг ноо­ло­ход амар” гэж үг бий. Бүр бай­чихаад түүний талаар “УИХ дахь бүлгээ хөшигний араас удирд­даг. УИХ-ын чуулганыг дөр­вөн жил дэглэсээр өдий хүр­сэн.

Гишүүдээ өөрийнх нь заав­раар ажиллаж байна уу, зааж зааварласан ёсоор үг хэлж байна уу гэдгийг шалгах гэж л хааяа чуулганд суудаг” гэж хүртэл ярьсан байна лээ. Түү­ний хувьд дөрвөн жил төр тү­шилцэхдээ хууль санаачлах эрхээ эдлээгүй нь үнэхээр үнэн. Гэхдээ санаачилж гаргаж ирсэн “Таван төгөлдөршил”-ийг нь зал­гамжилагч нар үргэлжлүүлж буй гэж найдъя. Зуныхаа ам­рал­тыг ч эдэлж чадахгүй, ард түмнийхээ аманд аятайхан хоол хийх са­наа өвөрлөн “За­гас” хөтөлбөр хөө­цөлдөж өнгө­рүүл­­сэн идэвхийг нь байг гэхэд Сон­гуулийн шинэ хуулийг батлахад нө­лөөлснийг нь үнэлэх л ёстой.
Хийсэн ажилтай хүнийг жи­жиг сажиг хэл ам үргэлж да­гал­даж байдаг гэдэг. Хэдхэн жи­лийн өмнө л Н.Энхбаярыг Хя­тадын талыг баримтлагч, С.Баярыг харин ОХУ-ыг дагагч гэж тодорхойлдог байв. ОХУ-д сууж байсан нь гай болоогүй бол С.Баярыг Оросын гар хөл гэж хардаж сэрдээд байх юм үнэндээ байгаагүй юм, тэр үед. Хоёр лидерээ “Луу”, “Баавгай” гэж цоллох нь холгүй талцаж, тэр хоёрын аль ялсан нь Мон­голыг түшмэг улс болгоно, Оро­сынх эсвэл Хятадынх байх эсэх нь шийдэгдэнэ гэсэн яриа хүр­тэл гарч байж билээ.

Гэтэл үүнээс хойш дөрвөн жил ч өн­гөрөөгүй байхад “С.Баяр эх ор­ны­хоо хэсгийг Хятадад  өгсөн бай­мааргүй юм”, “Хятадуудыг Мон­голд суурьшуулах ажлыг хий­сэн хүн” гэх мэтээр ярих бол­жээ. Цуу үг гэдэг ийм л барьц­гүй байдаг. Одоо эргээд харахад, энэ бүх хэл ам түүнд үнэхээр сурталчилгаа болж байжээ. Энэ удаагийнх ч гэсэн ийм үр дүн үзүүлэх бололтой. Ямартай ч түүний бие муудсан гэдэг нь тодорхой. Чухам юунаас болсон бэ, яагаад улс тө­рөөс явсан бэ гэдэг нь харин асуулт хэвээр байна. С.Баяр гэ­дэг энэ том “кадр” улс төрөөс гарс­ны үр дагавар яаж гарахыг цаг хугацаа л харуулах биз ээ.

Х.БАТСАЙХАН

MMinfo.mn

Манай сайт танд таалагдаж байвал LIKE хийгээрэй. Танд баярлалаа