Сонгууль ойртох тусам улс төрийн ертөнц жинхэнэ утгаараа буцалж байна. Авилгатай тэмцэх газрын ч хөдөлгөөн хурдсаж, идэвхтэй үйл ажиллагаагаа явуулсаар байна. Үүний нэг томоохон илрэл нь МАХН-ы дарга Н.Энхбаярын баривчилгаа. Улс төрд байтугай нийгэмд томоохон цочрол өгсөн энэ хэргээс хойш нэлээд хэдэн аймгийн Засаг дарга нарыг аавынх руу явууллаа. Хамгийн сүүлд Говьсүмбэр аймгийн Засаг дарга Д.Баянмөнхийг 5 жил хорих ялаар шийтгүүлс эн бол өнгөрсөн баасан гаригт “Сод Монгол” компанийн захирал Ц.Анандбазарыг баривчилж, хэр хүчтэйгээ харуулаад авлаа. Өнөөгийн хүчнийхэнд мөнгө хэрэггүй болжээ.
Гэвч эдгээр баривчилгаануудыг улс төрийн зорилготой хэмээн хардах нэгэн ч байна. Үнэхээр ч хардах үндэслэл байна. Яг одоогоор АТГ-д шалгагдаж байгаа ихэнх Засаг дарга, УИХ-ын гишүүд МАН-д бүртгэлтэй. Харин АН-ыхан энхийн цагаан тагтаа шиг л байна.
АН бол тийм ч цэвэр цэмцгэр нам биш гэдгийг хүн болгон мэднэ. АН-ы гишүүдээс АТГ-т шалгуулах бишгүй хүн бий. Хамгийн наад зах нь завхай зайдан, хулхи хулгайчаараа алдартай Мон-Ураны Б.Наранхүү. Б.Наранхүү нэр дэвшихийнхээ өмнө аль намд орохуу хэмээн урваж шарваж байж АН-ыг сонгосон. Харин тэрбээр тойргоо тэрбум төгрөгөөр авсан гэх мэдээлэл байна.
Энэ мэдээллийг үнэнийн ортой ч хэмээн учир мэдэх хүмүүс ярьж байна. Нэг морийг гэхэд л 800 сая төгрөгөөр хуралдаж авдаг. Цаашлаад манан хөөрөг 380 сая төгрөгөөр тоолж авдаг хүнд тойргийн асуудлыг 20 тэрбум төгрөгөөр өлхөн шийдэх байлгүй. Гэвч тэрбээр Анод банкны дампуурал, хүүхдийн паркын луйвар, Дүнжингарав худалдааны төвийн бүтэлгүйтэл гээд л дандаа булхай луйвар бүхний ард нэр нь бичигддэг нэгэн. Хэрвээ энэ хүн төрд гарвал юу болох вэ?
Хэдэн банкны үйл ажиллагааг зогсоож, хэдэн хүүхдийн паркийн газрыг луйвардах бол. Хэрвээ АТГ-ыхан үнэхээр ажлаа хийж эхэлсэн бол АН-ын энэ мэт бүтэлгүй нөхдүүдийг шалгаж нэрээ цэвэрлэж авбал яасийм.

Chuhal.mn