Сүүлийн үед олны анхаарлыг татаж, багагүй шуугиан тариад байгаа УИХ-ын гишүүн Х.Тэмүүжинг бие жижиг ч бэлчээр томтой нэгэн гэж парламентийн нөхөд нь ярьдаг юм билээ. Хэдийгээр насаар залуу ч хэл ам хийдэгээрээ “хөгшин” ах нарынхаа дээр гардаг тэрээр өнгөрсөн сараас эхлэн хаанаас олдсон нь мэдэгдэхгүй хонгио, “хар дэвтэр” хоёроор нэлээд “шоу” хийгээд амжсан. Багаасаа бусдын дээр гарна уу гэхээс доор орохгүй шар хортой байсан тэрээр гишүүн болсныхоо дараахан нэгэн цагт ном эрдэм зааж байсан багштайгаа шүүх цагдаа болтлоо хэл ам хийж, хүний нэр хүндэд халдсан хэрэгт унаад байсан. Зах зээлийн үед гахай үүрээд наймаа хийдэг байдаг ч өөрийгөө бизнес эрхлэх хүн биш гэдгийг эрт ухаарсан тэрээр Их Хуралд суухаасаа өмнө төдийлөн хөрөнгө чинээгүй нэгэн байсан аж. Харин өнгөрсөн сонгуулиар нэр дэвшихийн тулд гурван өрөө байраа 50 саяар зарж, сонгуулийн босго алхаж байсан гэдэг. Үүнийхээ дараа тэрээр эхнэрийнхээ нэр дээр лизингээр байр авсан бөгөөд одоо хэр нь сар бүр лизингийн мөнгө төлж амьдардаг гэнэ лээ. Тэрээр УИХ-д суугаад өөртөө хөрөнгө хураагаагүй гэж бусдад бодогдуулахыг хүссэн үү эсвэл Ц.Нямдоржийн ярьдаг “үлгэр” газар авахаар санагдаа уу бүү мэд ямартай ч ойр дотныхондоо “Би лизингийн байранд амьдарч байна. Одоохондоо энэ байр бүрэн минийх болчихоогүй байна гэсэн үг” хэмээн ярьдаг гэнэ лээ.

Н.Хувьзаяа secret