Зургаан настай О.Ивээл гэх монгол охин АНУ-д уран гулгалтын спортоор улсынхаа нэрийг гаргаж явна. Тэрээр хөлд орох үеэсээ л тэшүүрээр гулгаж эхэлсэн гэнэ. Нас нь балчир ч гэлээ О.Ивээл охин Колорадогийн уран гулгагчдын аваргын тэмцээний хошой аварга, тус мужийн 2011 оны аваргын төлөөх тэмцээний мөнгөн медальтай, Денверийн уран гулгагчдын клубүүдийн аваргын тэмцээнээс алт, мөнгө, хүрэл медаль хүртээд буй өсвөрийн шилдэг тамирчин. АНУ-ын Колорадо мужийн уран гулгагчдын холбооны гишүүн О.Ивээл ээж Д.Оюунтуяа, аав Ж.Отгонбаярынхаа хамт тус мужид амьдардаг юм. Түүний аав Ж.Отгонбаяр нь Монголын газрын тосны анхны 13 инженерийн нэг гэгддэг аж.

Д.САР