Ливийн удирдагч асан Муаммар Каддафийн хүү Моатассим Каддафийг өчигдөр Сирте хотоос баривчилжээ.  Гэвч Ливийн Батлан хамгаалах яамны албаны хүн энэ мэдээллийг батлагдаагүй мэдээлэл гэсэн байна. Ливийн босогчид Муаммар Каддафид үнэнч хэвээр үлдсэн Сирте хотыг хяналтдаа авахаар тэмцэж байгаа юм. Өчигдөр тус хотод Каддафийн дэмжигчид болон босогчдын хооронд гарсан зэвсэгт мөргөлдөөн дөрвөн цаг үргэлжилжээ. Хурандаа Каддафийн хүүг өчигдөр үдийн орчим Сирте хотоос баривчилж, Бенгази руу аваачсан гэнэ. Сирте Ливийн удирдагч асан хурандаа Каддафийн төрөлх хот бөгөөд түүний дэглэмийн сүүлчийн өдрүүдэд тус оронд хүчирхийлэл, аллага улам гаарч байгаа аж. Тус улсад буй гадаадын сурвалжлагчдын мэдээлж буйгаар нийслэл Триполи болон Сирте хотод дарангуйлагчийн хүүг баривчилсныг тэмдэглэж, галын буудлага хийж байгаа гэнэ.