Монгол Улсын Засгийн газраас хөгшид болоод хөгжлийн бэрхшээлтэй иргэдэд Эх орны хишгийн үлдэгдэл болох нэг сая төгрөгийг бэлнээр тараахаар шийд¬вэрлэсэн. Ахмад настан, хөгжлийн бэрхшээлтэй 334.2 мян¬ган иргэнд нийтдээ 334.2 тэрбум төгрөгийг зарцуулахаар 2012 оны улсын төсөвт суутгасан байгаа. Сар шинийн өмнөхөн уг мөнгийг тараана гэсэн яриа гарсан боловч журам батлагдаагүй гэдэг шалтгаанаар хойшлогдсон. Харин саяхнаас уг мөнгийг ирэх дөрөвдүгээр сарын 1-нээс эхэлж олгохоор болсон гэх мэдээлэл цацагдаад байгаа.  Гэвч үүнийг  Улсын хөдөлмөр халамж үйлчил¬гээний газрын дарга Д.Баярсайхан үгүйсгэж байна. Тэрбээр “Засгийн газраас сая төгрөгийг хэрхэн тараах вэ гэдэг журмыг нь өнөөг хүртэл батлаагүй байгаа. Хэрвээ журам батлагдвал, журамд заасан хугацааны дагуу л олгож эхлэх юм. Сая төгрөг тараана гэдэг яриа л байгаа болохоос яг таг тэдэн сард өгнө гээд шийдэгдчихсэн юм алга” хэмээн мэдэгдлээ. Үүнээс гадна иргэдэд амлаад байгаа сая төгрөг “Хүний хөгжлийн дансанд орсон” гэдэг мэдээллийг ч тэр үгүйсгэж байна. Тэгэхээр Засгийн газар иргэдийг хуурч ёстой л нөгөө шилний цаанаас мөсөн чихэр долоолгож байгаа нь тодорхой болов.