Үрийн зулайгаа үнэрлэхээр хоног тоолон хүлээж буй дуучин Агиймаа урлагаас хөндийрөөд багагүй удаж байгаа.

Гэсэн ч фенүүд нь Агиймааг ээж болсон ч гэсэн тун удахгүй уран бүтээлээ эргэн хийж эхлэнэ хэмээн хүлээсээр байгаа юм. Түүнтэй холбогдож байсан залуусын тухай байнга л хэвлэлээр сенсацилдаг болохоор түүнийг хэнтэй сууж байгаа талаар ч мөн фенүүд нь төдийгүй хэвлэлийнхэн сонирхоод амжсан. Тэгвэл дуучин бүсгүй “Никитон” хамтлагийн дуучин Б.Батчулууны төрсөн дүү Төрөө гэх залуутай гэрлэж байгаа юм байна.

“Хадам эцэг Ж.Батсайхан нь домогт хуурч Жамъян агсны ууган хүү бөгөөд Камертоны Д.Болдын нагац ах билээ. Бүжигчин эхнэр, хүүхдүүдээсээ олон жилийн өмнө тусдаа амьдарсан ч өдгөө хүртэл эцэг хүүгийн халуун дотно холбоотой явж ирсэн Ж.Батсайхан гуай өөрөө ч эцгээсээ өвлөсөн хөгжимчин хүн. Түүний бага хүү Төрөө нь хаанаас нь ч харсан даруухан, буурь суурьтай нэгэн төдийгүй ахынхаа хамгийн дотны туслах нь Агиймааг амьдралынхаа ханиар сонгосон азтай эрээр ийнхүү Төрөө гэх эгэл залуу тодорсон” тухай эх сурвалжууд хэдийнэ мэдээлээд амжжээ.

С.Анир