“Киви”-гийн Ука, дуучин Б.Амархүү нар “UBS” телевизийн “Universe best songs” шоу нэвтрүүлгээр өөрсдийг өө рекламдаж байгаа нь үзэгчдийн дургүйцлийг төрүүлэх боллоо. Уг нь энэхүү нэвтрүүлэг нэг үеэ бодвол үзэгчдийн талархлыг хүлээж, залуучуудын сонирхлыг татдаг болсон. Гэсэн ч “Universe best songs- 2012” шоуны шүүгч болон ажиглагчдын бүрэлдэхүүнд өөрчлөлт орсноор нэвтрүүлгийг орвонгоор нь эргүүлэх шиг болж байна.

МУГЖ Т.Ариунаа энэхүү нэвтрүүлгийн шүүгчээр ажиллах боломжгүй болсон ч хариуцлагатай ажлаа нэр хүндтэйгээр хүлээлгэж өгч байсан нь саяхан. Харамсалтай нь түүний оронд шүүгчээр ажиллаж буй Буриад улсын Ардын жүжигчин Б.Амархүүгийн хувьд гадаад хэлээр дуулдаг тэмцээнийг бүхэлдээ гадных гээд ойлгочихсон бололтой.
Тэрбээр оролцогчдын талаар саналаа хэлэхдээ бараг л Рагугаас дор шахам монголоор ярьж байгаа нь тун ч харамсалтай. Багаасаа Орост өсч, хүмүүжсэн гэдэг ч түүний хувьд төрөлх хэлээ ч мэдэхг үй, монголчуудын өмн өөс оросоор ярьж байгаа нь үл тоож буй хэрэг гэлтэй. Б.Амархүү их гүрний залуустай авьяасаа сорин байж өөрийгөө таниулсан мэргэжлийн дуучин, Ардын жүжигчин. Тэгсэн хэрнээ өнөөдөр мэргэжлийн бус хүмүүс оролцож буй сонирхогчдын шоуны шүүгчээр ажиллаж байгаа гэдгээ мартчихдаг бололтой юм.

Хөөрхий тайзнаа анх удаа гарсандаа сандарч мэгдэж байгаа оролцогчдын өмнөөс мэргэжлийн шаардлага тавьж, үг хэллэг ашиглаж байгаа нь өөрийгөө хэн гэдгийг мартаа юу гэлтэй санагдах боллоо. “Universe best songs” шоу дуулах хүсэл сонирхолтой хүмүүст зориулагдсан гэдгийг хүн бүр мэднэ. Зарим нэг сургуулийн мэргэжлийн ангийн оюутнууд оролцдог л юм билээ. Гэхдээ л Б.Амархүүгийн нэхээд байгаа урлагийн мэргэжлийн зарим үг хэллэгийг ойлгохг үй хүн байгааг яагаад өөрөө анзаарахгүй байгаа юм бол.

Арга ядахдаа шүүг МУУГЗ Б.Долгион Б.Амархүүгийн өмнөөс оролцогчдодоо “орчуулга” хийж өгч байх вэ дээ. Б.Амархүү аргагүй л Ардын жүжигчин гэдэгтээ эрдэж, барддаг бололтой юм. Дэргэд нь өөрөөс нь ах, алдар хүндтэй байг гэхэд Монгол Улсын урлагийн гавьяат зүтгэлтэн сууж байгааг ч үл тоон дандаа өмнүүр нь орж байгаа нь түүний хүмүүжлийг ч харуулаад байх шиг. Энэ шоуны бас нэг жинхэнэ шоучин нь ажиглагчаар ажиллаж буй “Киви” хамтлагийн Ука.

Түүний хувьд стиль имиж сайтай, өвөрмөц дүр төрхтэй гээд бусдаас онцгой содон зүйл их бий. Харамсалтай нь тэр өөрийнхөө урлагийн мэдрэмж, мэдлэгээр “Universe best songs”-ын ажиглагчаар ажиллах ёстойгоо мартчихаад, өөрийг өө рекламдаж суух боллоо. Тайзнаа гарч буй оролцогчдын өмнөөс тосч гүйх нь холгүй шахам аальгүйтэх Укагийн реклам хэрээс хэтэрч байна. Бусдыг дуулж байх үед байнга хүмүүсийн анхаарлыг татахын тулд суудалдаа тогтож сууж чадахгүй, бүжиглэж, даган дуулж байгаа харагддаг.
Ингэж сэтгэл нь догдлоод байж сууж чадахгүй байгаа бол Ука энэ шоунд ажиглагч бус оролцогчоор бүртгүүлчихсэн бол сүүлийн 25-д багтах ч байсан юм бил үү. Хэдий олонд танигдсан дуучин ч гэлээ өөрийнхөө байр суурийг мэддэг байх ёстой баймаарсан. Ядаж л хамтдаа ажиглагчаар ажиллаж байгаа “Гурван охин” хамтлагийн Х.Анутай өөрийгөө харьцуулж нэг үзээсэй. Хийх уран бүтээлээ орхичихоод шоуны шүүгч, ажиглагчаар ажиллаж байгаа л юм бол өөрийгөө рекламдах бус үндсэн ажлаа хийж, шинэ залуу уран бүтээлчдээ олоосой.

Ж.Нарангэрэл
Эх сурвалж: “Өглөөний сонин”