Дуучин Жавхлан олон улсын эмэгтэйчүүдийн эрхийг хамгаалах өдөр UB pаласын их танхимд болох тоглолтынхоо талаар өнөөдөр сэтгүүлчдэд мэдээлэл хийсэн юм. Тэрээр энэ удаагийнхаа тоглолтын орлогоо өрх толгойлсон буюу олон хүүхэдтэй эмэгтэйчүүдыг баярлуулж нэг сая төгрөг тараахаа хурлын үеэр дуулгасан.Тэрээр тоглолтын орлогоо ээжүүдэд зориулан өгөхдөө төр амлалтаа биелүүлж чадахгүй бол би өгчихөе гэж байгаа нь үнэхээрийн сайшаалтай хэрэг. Тоглолтонд түүний эхнэр Шуранхай хамтлагийн экс гишүүн Эрдэнэчимэг оролцож цуг дуулахнээ гэдэг яриа гараад байсан ч дуучин маань эхнэрээ зочдын тэр дундаа хамгийн хүндтэй суудалдаа суулгаж үзүүлнэ гэж байсан. Тэгвэл дуучин Жавхлан байнга л сонин, содон “сенсааци”-аар үзэгч сонсогчдынхоо анхааралд өртөж этгээд сонин ааш гаргадаг бол  энэ удаагийн хурлын үеэр ч тэр л зангаа гаргаад амжив. Тэрээр саяхан болж өнгөрсөн Шинийн 1-ны нар харах ёслолыг үйлдсэн үү хэмээн асуусан сэтгүүлчийн асуултанд: “Нар харах ёслолыг үйлдсэн. Гэхдээ би хүмүүс шиг өглөөний уулын цаанаас гарч ирсэн өлөн наранд ёсолдоггүй. Харин Шинийн 1-ны морин цагийн бяртай наранд залбирч, ёслол үйлдсэн хэмээн хариулж нилээн олон хүний эгдүүцлыг төрүүлээд амжив. Урьд нь гал тахих ёслол дээр би монгол хүн өнөөдрөөс эхлэж захтай дээл өмсөхгүй гэж хэнээрхэж байсан бол энэ удаа ч монгол түмнээ үл хүндэлсэн үйлдэл гаргаснаараа үзэгч фэнүүдээ гомдоов бололтой . Ямартаа ч нэг сая төгрөгийг ээжүүд ийнхүү дуучнаас авсныхаа хариуд энэ удаагийн сонгуулиар нэгийг бодох биз ээ. Ээжүүдийн санал ийнхүү үнэд хүрэх нь дээ.

NUUTS.MN Н.Асралт