Сүүлийн үед бөхчүүд улс төр рүү олноороо шургалах болсон. Жишээлбэл дархан аварга Б.Бат-Эрдэнэ, Сумоч Батбаяр, Аварга Д.Сумъяабазар гэхчилэн олныг нэрлэж болно. Тэгтэл саяхнаас Даян аварга А.Сүхбат улс төрд хүч үзэхээр шийдэж өөрийн төрсөн нутаг Төв аймагтаа сонгуульт ажлаа эхлүүлээд байгаа талаар эх сурвалж мэдээллээ. Даян аварга  2012 оны сонгуульд МАХН-аас нэр дэвшихээр болсон бөгөөд тус аймгаас гарах магадлал нэлээн өндөртэй хүний нэг юм. Нэгэн цагт Монголын бөхийн дэвжээнд од болон гялалзаж байсан аварга маань улс төрийн тавцанд нэгэн гэрэлт оч болохыг хэн мэдлээ.