2012 он гаруут ХУД-ын нутаг дэвсгэр буюу Яармагт оршин суух эмэгтэй удган дээр цагаан өнгийн “Ланд-200” машин хөлөглөсөн нэгэн бүсгүй давхиж очжээ. Тэрээр “насаар залуухан нэр бүхий Улсын их хурлын гишүүнийг эхнэрээс нь салгаж өгөөч, унаж яваа ланд машинаа өгье, үхүүлээд өгвөл бүр 3 өрөө байр өгье” хэмээн гуйжээ.

Удган хариуд нь “Онгодыг харын үйлд ашиглаж болохгүй,үүнийг би хийж чадахгүй” гэсэн хариу өгтөл, чадвар муутай, хуурамчаар нь дуудаад, манай бусад найз нар хэд хэдэн гишүүдийг бөөдөж эхнэрээс нь салгаж, заримынх нь эхнэрийг цааш харуулж өөрийн болгоод авчихсан л байна. Чамайг чадалтай гэж дэмий сонсч өөр хүн олдох л байх” гэж уурссаар оджээ.

Сүүлийн үед их хурлын гишүүд маань ёс юм шиг эхнэрээ сольдог мода дэлгэрүүлээд байгаа. Шинэ эхнэрүүд нь харин ямар замаар төрийн түшээдийг дэгээдээд байна вэ гэж өөрийн эрхгүй бодоход хүргэлээ. Нөгөө талаасаа бөө болчихвол бас дэндүү хурдан баяжаад байна уу даа гэсэн хардлага бий. Харын талын юм хийгээд Ланд машин, байр орон сууц салгаад байгаа бол ч хэцүү л юм. Охид бүсгүйчүүдийн дунд мөнгөтэй хүний мөрийг түшчихвэл алттай авдар атгаснаас өөрцгүй гэж үздэг болж дээ.
Ж.Саруул wikimon.