Өчигдөр оройноос эхлэн Сүхбаатарын талбайг өндөржүүлсэн хамгаалалтанд авчээ. Учир нь МАХН-ынхан Сүхбаатар дүүргээс талбайд арга хэмжээ зохион явуулахаар авсан эрхийнхээ дагуу тайзаа засах гэтэл Сүхбаатар дүүргийн хэв журмын хэлтсийн дарга Амармөрөн тэргүүтэй цагдаагийн бүх албан хаагчид, тагнуулынхан, замын цагдаагийн газар, Сүхбаатар дүүргийн цагдаагийн хэлтсийн цагдаа нарын бүрэлдэхүүнтэй өндөржүүлсэн хамгаалалтын ирж саатуулжээ. Бид хуулийн дагуу гурав хоногийн өмнө талбайд арга хэмжээ зохион байгуулах мэдэгдлээ өгч зөвшөөрлөө авсаар байтал яагаад бидний ажлыг саатуулаад байгаа юм хэмээн асуухад МАН-ынхан тус талбайг гуравдугаар сарын нэгний 17 цаг хүртэл авсан тул та бүхний ажил цуцлагдсан. Тиймээс тайз засахаа зогсоо хэмээн шаарджээ. МАН-ынхан эрх чөлөөний өдрийг өөрийн хэмээн өмчлөөд зогсохгүй, Сүхбаатарын талбайг өөрийн болгон өмчилдөг болжээ.