Оны өмнөхөн нярайлсан Одноо гавьяат бяцхан охиноо хараад “амралтанд” гарчихаад байгаа билээ.

Ямар сайндаа л Одноогүй “Х түц”-ийн тоглолт давсгүй цай шиг юм хэмээн түүний фенүүд гомдоллож байхав. Жүжигчин бүсгүй ч зүгээр сууж төвдөхгүй байгаа гэнэ. Өглөөний нартай уралдан гарч, үдшийн бүрийд л харьдаг байсан түүний амьдралын хэмнэл ийнхүү тэс өөр хэмнэлд ороод байгаа ч цаг заваараа шинэ тоглолтын санаагаа бичсэн шигээ суугаа гэнэ.
Энд сонирхуулахад түүний бяцхан охин Б.Сүндари, аавынхаа хамтаар сар шинийн өдрүүдээр гарсан “Х Түц” хамтлагийн “Бяцхан тэнүүлч”-д тоглоод амжжээ. Урлагийн гэр бүлийн гишүүнд нас бага энэ тэр гэж байдаггүй бололтой.