“Татар” хамтлагийнхан дуучин Б.Маралжингоотой хамтран аялан тоглолтоо эхлүүлжээ. Энэ талаар тус хамтлагийнхан “Өнгөрсөн хугацаанд “Татар” хамтлагийг маань дэмжиж ирсэн бүх хүнд гүнээ талархаж байна. Мөн хамтлагийн маань энэ цаг үед хийж буй бүх ажлыг дэмжсээр байгаа та бүхэнд өөрийнхөө зүгээс маш их баярлаж байгаагаа илэрхийлье. Хамтлагийн ахлагч Заяа болон манай Мөөгий хоёр маань өнөөдрийг хүртэл хамтлагийнхаа төлөө идэвхтэй ажилсаар байгаа билээ. Одоогоор “ТАТАР&МАРАЛЖИНГОО” Европ аялан тоглолт амжилттай явж байгааг дахин дуулгахад таатай байна.
Мэдээж дахин очих хэдий боловч, хугацааны хувьд их хол байх нь тодорхой учраас, та бүхнийг энэ завшааныг алдалгүй заавал очиж үзээрэй хэмээн уриалж байна” хэмээн цахим хуудсаараа мэдээлжээ.